كِآنْ يَ مَكـِآن أقْسِـى زَمِآنْ قَلِب يِتيـْمَ الحُبْ مَفْطومَ عَ الحِرْمآنُ

-.-Mhrowh · #1 03-09-2012, 03:32 PM

كِآنْ يَ مَكـِآن أقْسِـى زَمِآنْ قَلِب يِتيـْمَ الحُبْ مَفْطومَ عَ الحِرْمآنُ

روآية :

كِآنْ يَ مَكـِآن أقْسِـى زَمِآنْ قَلِب يِتيـْمَ الحُبْ مَفْطومَ عَ الحِرْمآنُ

هذي الرواية انا كتبتهآ ! أتمنى تعيبكم ، و انشالله أجوف تفاعل ويآي
أول شي أعرفكم على عايلة : أبو ناصر
أبو ناصر : محمد ، بس متوفي من سنتين
أم ناصر : نوال أصلها بحرينيه وعايشه عند أهلها ف البحرين وعيالها ما تعرف عنهم خير شر
ناصر : عمره 19 سنة ف كلية الشرطة ويا ولد عمه راشد وهالـ 2 أكبر مغازلجيين
ريم : عمرها 18 آخر سنه لها فالثنويه ويا بنت عمتها مهره
علي : عمره 13 صف ثامن ف مدرسه خاصه

علية : أخت علي التوأم طبعا عمرها 13 وصف ثامن وبعد ف نفس مدرسة علاوي
ميره : صف سادس عمرها 11 في مدرسة علاوي وعلاية
وبس هذي عايلة بو ناصر
طبعا نصور الي مهتم فيهم وهم ف بيت عمهم بو عبدالله أعرفكم على عايلة بو عبدالله
بو عبدالله : على يحب عياله وايد واعيال اخوه محمد الله يرحمة
ام عبدالله : نوره طيبه ويا عيالها ولكن ماتحب عيال عمهم محمد ما تدانيهم مول
عبدالله : عمره 26 متزوج وحده تقرب لهم اسمها حمده
راشد : مثل ما قلت عمره 19 و ف ككلية الشرطة وأكبر مغازلجي"
عبدالعزيز : صف تاسع ف نفس سكولهم بعد ويموت على علية بنت عمه
خوله : صف ثامن ويا علاوي وعلاية
عمر : صف سابع ف مدرسة اخته خوله

يعني كل يوم يسيرون علاوي وعلاية وخوله وميره وعمر و عزوز ويا بعض السكول
الحين يعني اسبوعين إجازة عسب إجازة الفصل الأول بيبدأ الفصل الثاني عقب الإجازة
الي ف البيت رقود إلا عزوز وخوله والساعه 6 الصبح عزوز كان مواصل اما خوله قامت تصلي الفير وتمت يالسه
خوله : عزوز تعبان فيك شي ، شكلك غير اليوم
عزوز : لا قلت لج ما فيني شي ( معصب )
خوله : أبييييهه بلآك عزوز لا لا مستحيلل أكيد فيك شي ، الحين هذا عزوز الي دوم يضحك ويانا
عزوز ( سكت جيهه دقيقه ولا ثنتين ) : الله يسلمج تعرفين انني عليه
خوله : الي هي بنت عمي ؟

عزوز : منو غيرها ، هيه علية
( عزوز يتذكر الموقف الي صار له اليوم الي قبله )
علية ترمس بالفون : هلا والله شحالك عبود ، انشالله دوم ، وانا اكثر حياتي ، أحبك ، أقولك جني اسمع حد ياي أرمسك عقب بآي
.
.
.
.
خولـه : عزووووووووووووووووززز أرمسس ، تسسسمعنني ؟
عزوز : ههآ ، سسوري كنت سرحان
خوله : يلا شو السالفه
عزوز ( ماحب يفشل بنت عمه ) وقال فخاطره : آه يا علية شكثر معذبتني وياج
خولللهه : يلآ قولللل
عزوز : خوله انا بسير ارقد تعبان و على صلاة الظهر قوميني من رقادي
خوله : انزين
وراح عزوز يتجلب ع السرير مب رايم يرقد
خوله يالسه ف الصاله ، وتقول ف خاطرها : أبيه أكيد عزوز صار له شي ، بس هو ياب طاري علايه ، يعني علية قايله له شي ، بس مستحييل عليةة مب جريئه لدرجة انها بتعق عليه كلام ولا شي بس عزوز كاسر خاطري والله أول مره أجوفه جي ، لآزم علية تقولي شصاير مايصير أسكت ، أحس السالفة فيها إن خلآص أقوم لعليوه احسن لي
راحت خوله لعلية وجافتها راقده ف سابع رقادها ما حبت توعيها من رقادها
مرو هالأسبوعين وكله عزوز متضايج وساكت وما قال لحد السالفه
وبدت المدارس والكل ف مدرسته والي ساير الدوام
الي كانوا ف البيت ام عبدالله وبوعبدالله
ام عبدالله : أقولك علي الصراحة أحس من يو عيال أخوك البيت وانا مب مرتاحه ، جيه أحس ماقدر آخذ راحتي والبيت صاير وايد زحمه يوم يو وهم خدامتين وين يقدرون عليهم كلهم هذول عيالنا باليياللـه متحملينهم
بو عبدالله : ( معصب من الخاطر من كلامها ) نورررهه انتي شو تقولينن مهما يكون هذول عيال أخوي عيب هالكلام م ع طاري الخدامات اييب 10 لهم والله ما توقعت هالكلام منج يا نوره والبيت كبير ووسيع ومكفي الحمداللله وليش مب مرتاحة ؟
ام عبدالله : لا علي لا تفهم غلط انا ما أقصد جي

بو عبدالله : نوره الكلام الي قلتيه مب حلو وهذيل نفس عيالج وانا خلاص الحين بسير الدوام مابي اسمع منج كلمه زيادة
ام عبدالله : راحت نامت
بو عبدالله : من كثر الضيج سرح وهو يسوق وفجأة ........................

شو توقعاتكم أبي أشوف تفاعل وآيد عسب أكمل وياكم __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ضَحَآيَآ الحُبْ الزَآئِفْ ..~	محروم.كوم	منتدى أخبار المواقع والمنتديات العربية والأجنبية	0	07-27-2009 04:30 AM
\| - الحُبْ عِ ـندكْ مِثلْ فُستَانْ سَهّرَهْ \ لـ Saher Dia -\|	راما	الأناقة والجمال والموضه والطفل	26	06-30-2009 07:49 PM
Ξ بَينَ[الحُبْ],[الحَياةِ],[الحُرِيَهِ]..طَريقٌ واحِد وَلا مَجـِالِ للتَراجُع..Ξ	صعب تفسيري	الإستراحه العامة	16	01-14-2009 10:42 PM