الصديق

[محروم.كوم]

ياصعب والله ماتحصل لك بها الدنيا صديق
تزرع كثير وللأسف يا قلّ ما تحصد ثمــــر


بعض العرب صداقته من وين ما جيته يطيق
إليا نصيته فزّ فيك وقال تامرني أمــــــــــر

لا قال كلمه تمّها وإلا اعتذر عذرٍ يليق
إليا وقف وقفة بطل وإن هد هدّات النمر

وبعض العرب صداقته ما هي على طول الطريق
يقطع صداقته واحدٍ تقول شايـــــل لك جمــــــــــر

أما الرفيق اللي يلوذ إليا تنصّأه الرفيــــق
أضرب على علاقته إكسين بالخط الحمر

وش لك بلحية خوةٍ تمشي على خيطٍ رقيق
مادام ماهي خوةٍ تبقى علىّ مر العمـــــــر

ياهيه ياللي مستوي عنـــــــدــي زفيره والشهيق
إن جيت أرد أخشى الندم وإليا سكت أدهى وأمر

ماني مفرّح شرذمة ولامزّعل لي فريـــــــق
الصبر مفتاح الفرج والسوس ماضر التمر

مادام يمكن طمرها هو ليه أولّعها حريق
بعض السوالف مالها عند الرجال إلا الطمر
قصيدة اعجبتني فهل تعجبكم اخواني.

__DEFINE_LIKE_SHARE__