نصائح وتجارب للنيسان باترول القديم

[محروم.كوم]

<div><div align="center">السلام عليكم ورحمة الله

مساكم الله بالخير وسعدت بهذه الرابطة وانا اخوكم العاصمي من الطائف
من محبي وملاك النيسان القديم عندي باترول ربع 82 شبه جديد مشتريه
من حراج الحرس الوطني وكان ماشي تقريبا الـ 50 الف كل شي فيه شد بلد
عدا بعض الاكسسوارات الخارجية مثل ماهو باين بالصورة كالدعامة ورفارف
ومركب له جنوط كروم على كفرات 15 نوع هانكوك لاني جربت جميع انواع الكفرات
وهي اللي مشت معي مكيف وطارة هواء وكل شي شغال فيه عدا ساعة التوقيت اللي بالطبلون ..
تجربتي مع النيسان منذو اكثر من 15 سنه اكتشفت كل شي فيه من عيوب وايجابيات مع ان ايجابياته اكثر من عيوبه
بالنسبة للمكينة والقير والدفرنسات فمافيها مشاكل للي يعرف كيف يستخدمها ويعرف قدرات تلك المحركات فهي بالنسبة لي تعتبر تحفة جبارة بدون منافس ..
العيوب اللي صادفتها بالباترول هي حاجتين فقط وبالطبع تعتبر هي السر وراء قوة وعزم السيارة
اولاً الكربريتور هو واحد من عيوب جميع سيارات نيسان القديمة قبل ظهور البخاخ واتعبني الكربريتور كثيرا وبحثت عن جديد ولم احصل عليه الا عن طريق احد الاخوان في منتدى حصله لي بالخرج وارسله ولله الحمد ركبته وشفت الراحة بعده
ثانياً السر الاخر والمرتبط بالكربريتور هو الديلكو الذي اعتبره انا شخصيا قبل كل شي في النيسان فمن عيوبه انه يحدث له بوش من الداخل ولا يحافظ على وزنية الابلتين وتجد ان السيارة غير مرتاحة اثناء التشغيل والمشي والعزم وصرفية البنزين
قلت لازم اشوف حل للمشكلة هذي وتوكلت على الله وبواسطة بعض المعارف في الصناعية لقيت باكستاني قال نفك الديلكو ونفرطه ونشوف حل .. فعلا فكينا الديلكو ولقيناالعمود الداخي يلعب وطبعا للي مو عارف العمود هذا اقول له هو اللي مرتبط بين الابلتين والمكينة وبواسطته يتم وزن الابلتين والديلكو معا ..
المهم فكيناه ويدي على قلبي لان قطعه ماتلقاها على سيرة وان لقيتها اسعارها مبالغ فيها
وقال الباكستاني مشينا ع المخرطة ... ليش المخرطة قال نسوي له جلبه ولاعاد يفوت ولايسير فيه بوش !!
رحنا للمخرطة فلبيني قال اخذ عشرة ريال قلنا بسيطة سوها قال ربع ساعة وفعلا رجعنا بعد ربع ساعة لقينا مجهزه وركبناه ومن بعدها ولله الحمد ماشي زي اللوز يمسك الوزنية ولا اغير الابلتين الا وين ووين ..
نصائح من واقع تجربة
السيارة الباترول تعتبر جبارة وتحفة لايقدرها الا من يجربها والترهيم لايجدي معها ممكن يشتغل معك فترة معينة ولكن بعدها راح تجيك مشاكل كبيرة في القير والدفرنسات ورمانات العكوس
اسلاك البواجي مهمة وانصح باسلاك بواجي الجيب التويوتا من نفس الموديل كذلك البواجي اما بواجي تويوتا الاصلي او ان جيه كي الاصلي وهذي لاهل الغربية موجودة في جده بكثرة
عدم العبث بوزنية الكربريتور عند اي شخص وممن هب ودب اذا مايفهم بالوزنية لا يتفلسف
بالنسبة لراحة السيارة انصح بتركيب فرارات للدفرنس الامامي طبعا فميزة الفرارات تفصل لك الدفرنس وكأن السيارة دفع خلفي فقط
الحرارة بالنيسان معروفة ومن واقع تجاربي اشتريت كلتش مروحة ياباني الصنع يعني تجاري نوع يوشيدا ومن ثم شريت زيت خاص بالكلتش من تويوتا ( انبوب صغير داخله زيت بدون لون ) ومن ثم تفك الكلتش وفكه بسيط اربع مسامير ويكون مكان الفك نظيف وبعيد عن الغبار ومن ثم تنظف الزيت الاصلي اللي بالكلتش نفسه بواسطة قطن او خرقة نظيفة او مناديل ومن ثم تفتح الانبوب اللي مشترينه وتحط منه بنفس الكمية اللي نظفنها وزيادة بسيطة فقط وترجع الغطاء على الكلتش زي ماكان وتركبه تمام وتشد مساميره كويس وركب المروحة ولا عاد تشيل هم ابد __DEFINE_LIKE_SHARE__