5 مشآآكل في اللاندكروزر (ستاندر 2001) وآبي حلها تكفون

[محروم.كوم]

السلام عليكم

باختصار السياره نوعها جي 2001 فيها 5 مشاكل

المشكله الاولى كانت فضاوة في القير وغيرت جلب القير الثنتين الزرقاء والبيضاء وضبط شيء خفيف بس فيه مشكلة مازالت وهي الريوس مايعشق الا بعد مااحرك السيارة للامام قليلاً وايضا مشكلة في تبديل النمر بسرعه مايقبل وخاصاً من 3 الى 4 ومشكلة اذا رجعته من 5 الى 4 وانا مخفف السرعه احس القير مايعشق مضبوط وش الحل يااخوان


المشكلة الثانية وهي قير الدبل , ارفع عصا الدبل على فوق واعشقه على الخفيف والثقيل مايلقم يروووح عصا القير فوق تحت تقول مفضى وللمعلومية كان الدبل مضبوط بس فيه تهريب زيت للدبل الامامي وغيرت صوفه ولا نفع باقي فيه تهريب واليوم مايرضى يلقم الدبل

المشكله الثالثه البريك اذا استمريت في الدعس عليه ترووح الدعسه حدها ومايمسك الموتر الا لما ادبل له مره ثانيه بريك وكان بيسبب لي حادث بس الله ستر علي

المشكلة الرابعه غيرت الركب الاماميه فوق وتحت تجارية وغير جلد حقت اذرعه الدفرنس 2 ذراع صغير و2 ذراع طويل وضبط الموتر وبعد تقريبا شهر يعني حاليا السيارة تلعب تقول سفينه ورحت شيكت عليها وقال لي يماني حق ميزان انه الجلد حقت الاذرعه الخلفيه منتهيه وقلت له توني مركبهم قال ماينفع التجاري لازم تشتري اذرعه جديده وش تقولون انتوا؟

المشكلة الخامسة كمبروسر المكيف عبيته فريون ونسم علي وجاء يوم وشغلت المكيف وانا ادري انه مافيه فريون وبعدين لاحظت ريحه حريق نزلت وشيكت على الكمبروسر حصلته ينقط مثل البلاستيك اسود وريحته قوية وطفيت الكمبرسر علما انه يوم فيه فريون كان مضبوط وبارد وبدون مشاكل , ابي رايك في الكمبرسر يقولون كلتش ويتغير وليش احترق هل لانه مافيه فريون؟

واخيرا هذي هديه لكم صورة سيارتي وقولوا ماشاء الله




والباقي سلامتكم .. كذا موتري بيطلع وكاله لو تحلون مشاكلي

مشكورين على المساعدة مقدما :good2:

__DEFINE_LIKE_SHARE__