كيـــف تكتب قصيده موزونه

[بنوتة 97]

السلام عليكم ورحمة الله وبركاته

اشحااااالكم


انا بحط لكم ها الموضوع واتمنى انكم تستفيدون منه

واتمنى بعد اشووف ابدااعكم بعد ها الدرس البسيط


بنبدي

بسم الله



هذه احد دروس شاعرنا المتالق خالد العيسى ارجو ان تستفيدو من الموضوع وانشوفكم شعراء كبار


...............
حاول وبدون تردد او خجل بس اقرى لي اكتبه وحاول تركز معايه

طبعا الشاعرية هي اساس الشعر واذا ما كانت عندك شاعرية فلا بيفيدك الوزن ولا غيره ... والوزن يمكن ان نتعلمه وننسجم معاه فاذا كانت عندك شاعرية فانت شاعر لكن بدون الوزن تبقى مثل الطائر المكسور الجناح !!

حاول ان تفهم الوزن حتى تكتب عليه

في رايي ان اللحن (( لحن الشله او الاغاني او اللحن الموسيقي البسيط او حتى ايقاع الطبل )) هو المقياس الامثل للتاكد من وزن اي قصيدة او الكتابة على بحر شعري وحتى نكتب قصيدة موزونه افضل وسيلة لتلافي الكسر هو ايجاد لحن صحيح بسيط والكتابة عليه

طبعا انتوا عارفين انه في بحور كثيرة مثل الونه والردحه والتغروده والحربيه والمسحوب والسامري والهجيني والعازي ووو:yasser-asdaauae (15

لكل بحر وزنه الخاص ولازم نفهم هذا الشي يعني والوزن هو عبارة عن مجموعة تفاعيل



الحين خلونا نبدا في بحر من بحورنا الشعبيه وهو بحر الونه ...... ولي بينجح في هذا البحر راح ينجح اكيد في اكثر لبحور ولا ابا منكم ان تستعيلون في الكتابة في بحر ثاني خلونا في بحر الونه وعقب من نكتب عليه مجموعة من القصايد راح ننتقل لبحر الردحه

اتفقنا


الونه

الونه طبعا نوعين ونه بحريه وونه هل البر



بحر الونه

وبنبدا بونة هالبر وبناخذ مثال بسيط لقصيدة شاعرة الامارات الكبيرة فتاة العرب


برقا روس الشرايف ............ ما بنزل فى الوطاه

حيد الطويل النايف ............ لي في النظره حلاه

الى ان تقول :

راعي الشيل الرهايف ............ عيناوي منتهاه

القافيه في الاشطر الاولى (( الشرايف النايف الرهايف ...... وهي ثلاث كلمات تتشابهه كلها بثلاثة حروفها الاخيره لي هي : ايف .. )) ........ وقوافي الشطر الثاني ..........(( الوطاه حلاه منتهاه ثلاث كلمات تتشابهه باخر حرفين وهن : اه .. )) وهذي هي لي اسمها القافية
وطبعا البيت الواحد يتكون من شطرين في هذي القصيدة برقا روس الشرايف ... الشطر الاول
ما بنزل للوطاه ... الشطر الثاني

حلو الكلام




بحر الونه

بحاول اكتب بيتين كمثال على نفس الوزن لي هو على بحر الونه وعلى نفس القافيه لي هن (( ايف و اه ))


وردي بدونك هايف ............ وفكري بدونك تاه

عايف حياتي عايف ............ عيشتني بمأساه

وقتي يمر بحسايف ............ الله يا مقساه





بحر الونه

الحين بكتب على نفس الوزن بس بغير القافيه الاولى وبستمر على القافيه الثانيه


عاشق انا وحداوي ............. الله يا محلاه

مثل البدر لي ضاوي ............. متميز مستواه

هاوي فنونه هاوي ............. عالي ونجمه الياه



القافيه اختلفت في الشطر الاول وهي (( وحداوي ضاوي هاوي ... اوي ...... اما الشطر الثاني فتمت مثل القصيدتين لي فوق وهي اه ))




بحر الونه


الحين بكتب على نفس الوزن بس بغير القافيتين في الشطر الاول والثاني


وحداوي دومه عالي ............. كلنا افتخرنا فيه

غالي علينا غالي ............. وبرواحنا نفديه

تحلى به الامثالي ............. ويا ليتها توفيه




طبعا منكم من هو متمكن من الوزن ومنكم من هو مبتدئي وما يركز على الوزن ومع هذا اتمنى كل واحد منكم يحاول ان يكتب ثلاثة ابيات اما على نفس القافية او غيرها المهم على نفس الوزن ........... والوزن في كل ماكتبته هني هو على بحر الونه



يالله خلونا نحاول وعادي اغلطوا في الوزن مره ومرتين وعشر لكن اكيد راح تضبطونه في النهاية


خلونا نبدا

وما با حد يتردد ........... كلنا نتعلم من بعضنا ومحد افهم من حد ومحد انولد يكتب شعر كل شاعر يمر بمراحل تدريجية بالابداع والموهبة تحتاج لصقل

عفكره الموضوع منـــــــقول لجل عيونكم

اتمنى اني اشووف ابدااعكم بعد ها الدرس

__DEFINE_LIKE_SHARE__