تكفوووون الفزعة يا رجال طرمبة الزيت يوكن دينالي

[محروم.كوم]

السلام عليكم ورحمة الله وبركاته

عندي طال عمركم يودكن دينالي 2007

انبير الزيت ينزل على الخط الاحمر وتطلع رسالة الزيت منخفض اوقف المحرك

المهم طلعت لمركز الغروب بالنسيم وقالي لازم تغير طرمبة الزيت والمشكلة هذي راح تنحل ان شاء الله ،،

المهم غيرت طرمبة الزيت والحمدلله كل شي تمام ،، لكن لما طلعت من الرياض للقصيم بعد 200 كيلم رجعت نفس المشكلة ونزل انبير الزيت ،،

وقفت السيارة لمدة عشر دقائق ورجعت شغلتها وكل شي تمام ولله الحمد ومشيت عليها 100 كلم ورجعت المشكلة ،، وعلى الحال هذي اوقف 10 دقائق واشغل لين وصلت حائل ولله الحمد

لكن الحين اشغل الشيارة ماتكمل ربع ساعة الا ونازل الانبير ويقول ضغط الزيت منخفض اوقف المحرك ،، ولما اعاير الزيت كل شي تمام ولله الحمد ولا فيه نقص

تكفوووووووون طالبكم يا رجال اللي يعرف وش السبب يقولي مع العلم اني مركب طرمبة زيت اصلية واتوقع قالي انه غير شخال او صفاية لطرمبة الزيت عند مركز الغروب اللي بالرياض ،،

ملاحظة // عندي تهريب بصوفة المكينة الخلفية هل لها علاقة بالموضوع مع العلم ان عيار الزيت تمام ولله الحمد

وهل ضعف البطارية له علاقة بالموضوع

وجزاكم الله الف خير ان شاء الله

__DEFINE_LIKE_SHARE__