[ قصيده ] جديد شآعرة يآلبيه/يومية آلدرآسة.

[شآعرة يآلبيه]

آلسلآم عليكم ورحمة الله وبركاته
إشحآلكم عسآكم بخير؟

.,.


كتبت ابيات عالسريع،وهي وصف لليومية المحزنة ،بعدما أرجع من المدرسة للبيت.وأخص بطلاب "العلمي"،ههه ..أدري والله كتبت عن مافي خاطركم،لا تحاتون ،حد يحس فيكم ههههههههه.أترككم مع أبياتي البسيطة.









أقول:




أرجـع من المدرسـة والكتف ثاقل ... واجـبات وفـروض لـزوم أخلـصها

وقتي في الرياضيات دوم شـاغل ... والكيـميا به أشـياء مـعرف أحلها

وش لي أنا في الفيزيا والمسائل ... وش لـي بقـوانين لظواهر تأكدها

ياه يـ فكـري مـع كـل ذول متـعابل ... وأبكي في مسألة عجزت أحلها

ومصـيبة لو امتحان ،القلب شايل ... هواجيس وأشعار تنتظر أسطرها

وإن وطا راسي عالمـخده يـقايل ... وحلـمن يطري ،ولروحـي يـفزعها

ليـن الفـجر ونومي حـده متضايل ... وإن صحـيت،النـوم لعيني يعـلها

في الحصة،الذهن يسرح ويخايل ... بأمـور وأشـياء ماهـي في وقـتها

و شرح ،يجلب النـوم بكل وسايل ... ودرس أندمـج معه فاللي بعـدها


وأرجع البيت،المـخ والعيون ذبايل ... كـلن لبـعض يعـظـم فـي أجـرها









وسوآلم.,.



همسة:"يلسة البيت وحدآني،تسوي سوايا،.اتصلت ماما حليلها تطمن علي وجي وسولفت شوي وياها عقب طرت لي إنه،الشلة إللي أرتبش وياهم ساروا رباعة بوظبي،لا وبيباتون هناك،وقسم ساعتها حسيتها قلبي اللي بيصيح "

__DEFINE_LIKE_SHARE__