ددسن قديم

[محروم.كوم]

قصيده معبره عن نفسها كتبتها على لسان احد الاخوان بعدما جدد سيارته القديمه التي اشتراها له والده عندماكان صغيراً فقد استغنى عن السيارة بعدما خبطت مكينتها عام 1400هـ واعادها للحياة في هذا العام1433هـ
اتمنى ان تحوز على اعجابكم ورضاكم

مرخصين المال لعيون العراوي
وارد السبعين له ذكرى قديمه
اشتراه العود وعاداته سخاوي
مابخل به جعل تسلملي يمينه
لاعطى له قاع والدرب متساوي
يقبل الدعسات وحنا سايقينه

لاسرى بالليل في جو((ن)خلاوي
يطوي البيدا ويعجب راكبينه
لاذكرللصيد اوقات وحراوي
فزمثل الطير لاشاف السمينه
مولع(ن)بالصيد وسواقه شقاوي
مايحنه يوم صيداته ثمينه
ويوم شاب العود واعيته البلاوي
يطلب التوظيب باركان المكينه
وطالت المده ولاجاه المداوي
من يشيل العود من طيحت سنينه
وارتكى له عقب طيحاته مخاوي
مانسى ماضيه قد ساقه حنينه
حملوه الصبح يبغون المداوي
في جبال طويق في غرب المدينه
واستلمه اللي على الشدات قاوي
مهندس(ن)فنان بريال(ن)يعينه
واشتغله ايام وطلعه متساوي
لااشتغل تسمع مع قزوزه دنينه
وعقب شاب الراس جددنا العراوي
ونطلب الله يحفظ اللي مشترينه

__DEFINE_LIKE_SHARE__