سوق الكباري وكراون سوبر صالون .....قبل سن العقل سقا الله ذيك الأيام

[محروم.كوم]

<div><div align="center">السلام عليكم ورحمة الله وبركاتة
يالله ان تحييـــــــــهم كلهم
هالسالفه صارت لمحبوب الكل راعي الفرت في منتصف الثمانينات ميلادية كان فيه سوق الكباري كانكم تذكرونه يالشيبان الصغيرين
نبذه عن السوق
كان من أحدث أسواق الرياض في نهاية الثمانينات ومبني على أحدث الطرازات المعمارية حتى ان دبي مول مقلدين على تصميمة بس الله يهديهم نسو يحطون محل لبيع الفصفص والبليله عشان يصير نسخة طبق الأصل ويوجد به احدث الماركات للدراريع والخلاقين بانواعها حتى ان أهل النمسا يتعنون له وكان وجهه لسياح الأجانب وهذه حقيقة لا يتجاهلها من ارتاده

يقع هذا السوق على شارع الكباري اللي هو طريق الملك فهد حالياً غرب المعيقلية تقريباً

صورة لشارع الكباري قديمــاً لاسترجاع الذكريات وتحريك الشجون







السالفة ان اخوي الكبير قال انقز رح جب امك من السوق قلت منيب عطني الكراون واروح
كراون سوبر صالون كشخهه في وقتها مراتب مخمل ودلع تقول للمرسدس وخر مناااااك




وادق سلف وعلى سوق الكباري عليكم نور واقوى تشخيص ما أناظر الا بطرف عين من قوة الترسيم المهم الموتر تماتيك وانا ماعرف له متعود على العايدي قروي خخخ

ووينكككككككككككككك يا امي العزيزه

طبعا كل العايله يعرفون المواقع اللي تحترينا فيها الوالده في الأسواق
مثلا في الثميري لها موقع خاص تنتظرنا فيه وكل سوق له مكان معين للأنتظار ولو جينا في الموعد المحدد ومالقيناها أكيد تكون سرقها احد
مستحيل مستحيل يتغير الموقع دون علم مسبق من الوالدة الدعوه برمجة قارمن في المخ لاجوالات ولا بياجر الله يرحم ذيك الأيام

المهم واخش من الجهه الشرقية ولا أناظر أحد من قوة الطنخة معي كروان آخر موديل من قدي

الشارع الشرقي ضيق جداً يالله موتر واحد يمشي
وعلى اليمين واليسار بسطات فضفض
وبليلة ومنول حريم يبيعون ويشغلونك ملاحق فصفص فصفص

وبينما اترقب الوالدة الا حقات الفصفص يلاحقوني فصفص فضضضضضضضضضضفض أشغلوني
<font size="5"><font color="gray">الا هااااااااااك الغرنوق بسم اللة ماشاء الله يطرح الطير من السما برقعها 4 في 3 متكيه على هاك العتبه شفتها وانا اللي تضيع علومي واختبص ماعاد عرفت اسوق ذولا منا وذا الغرنوق منا وضاعت علومي المخ وقف صار فيني شي مالله به عليم فتنه فتنه اقوى مني ......... __DEFINE_LIKE_SHARE__