" حـافـز والإضـرار بـمـصـالح الآخـريـن "

[محروم.كوم]

السلام عليكم ورحمة الله


احيانا اذا اردت الضحك المؤلم يجب عليك ان تتوجه الى اقرب دائره حكوميه

بشرط ان تكون هذه الدائره الحكوميه تقع في ( المملكه العربيه السعوديه)



اليوم توجهت الى مكتب العمل كي احصل على فيزة عامل ليعمل كحارس بالمزرعه




تفاجأت برد وقع علي كالصاعقه من الموظف وهو يقول لي من شروط الحصول على فيزه عامل يجب

عليك ان توظف ( سعودي) !! وتسجله بالتأمينات وتجي نعطيك فيزه


قلت له عفوا يمكن تضن اني صاحب شركه كبيره انا مجرد مواطن ابي حارس للمزرعه !! ليش اوظف سعودي؟! او بالاصح وش راح يشتغل السعودي عندي ومن وين لي اعطيه راتب؟!!

طلعت ولقيت شخص قالي كبير بالسن قالي انا عندي 20 (خروف) وابي راعي قالو لي لازم توظف سعودي ونعطيك الفيزه !


رحت لشخص اعرفه من بعيد وهو شخص عاطل قلت له من فضلك ابي اسجلك بالتأمينات علشان اقدر اخذ الفيزه ( من باب الفزعه وراح احذفك بكرا طوالي ) قالي اعذرني كذا راح يسقط اسمي من حافز !!

اكتشفت ان العمليه كلها من اجل قصقصت اهانه عفوا اقصد اعانه حافز !!

لاني لو سجلت اي شخص بالتأمينات راح يسقط اسمه طوالي من حافز وينحرم من الاعانه !

العجيب بالأمر ان النشاطات الانشائيه كالمقاولات والصيانه المنزليه وغيرها كانت وزارة العمل تمنع النساء من استخراج تراخيص المؤسسات


لكن بعد نظام حافز سمحو للنساء باستخراج التراخيص وذالك ايضا كي يسقط اكبر عدد ممكن من الاسماء من نظام حافز !! والعجيب انه لازم توظف سعوديه !

ياوزير العمل اوظف سعوديه بمؤسسة مقاولات؟ وش راح تشتغل؟ سباكه مثلا؟ ولا عاملة بناء؟

واذا صارت حامل اعطيها اجازة امومه من المؤسسه لانها ماتقدر تشيل سمنت وخرسان؟



ودي اعرف هل الوزارات بكل دول العالم وضعت لخدمة المواطن ؟

ام وضعت لاختراع الاعاجيب والحيل لتطفيش المواطن؟

ماهو الهدف يامعالي الوزير من وضع المواطن مكان عداء لوزارة العمل؟ ( ياخي وش سوينا لك)

لا اقول الا

يازمان العجايب وش بقى ماظهر

ختاما الى الاخوه السعوديين

مطلوب حارس مزرعه ( سعودي ) الجنسيه

المميزات غرفه فيها تلفزيون فيه قنوات نيبال لان العامل الي قبلك نيبالي ومكيف وقدامك عشه علشان تجلس الظهر بالهواء الطلق

يوجد كلب اعزكم الله من نوع جيرمن شيبرد مدرب على الحراسه ( يعني انت بالنهار وهو يستلم بالليل)

الراتب 600 ريال مع تأمين طبي والاعاشه علينا

ويوجد ايضا جمس وانيت موديل 1979 مخصص للحارس

الافضليه للجامعيين بتخصص( احياء دقيقه )


وصوره مع التحيه لوزارة العمل

سلام عليكم

__DEFINE_LIKE_SHARE__