سالفة لقيته يقراء غيب

[محروم.كوم]

بسم الله الرحمن الرحيم
السلام عليكم ورحمة الله وبركاته
اخواني واخواتي المكشاتيه حياكم الله
سالفة اخوي راعي العجراء - الشيبان ودقة الوصف – ذكرتني هذي السالفه
والسالفه تقول فيه واحد بيته بوسط المزرعه وشاري له هكاليوم حاشي صغير
مدري مشاركه احد بهالحاشي والا لا المهم انه جايبه للذبح والاكل
وحاطن الحاشي بشبك بوسط النخل وجادعن له برسيم وتوه جايبه من السوق
والرجال جالس يتقهوى هو وولده بالعشه والعشه ما هي بعيده عن شبك الحاشي يشوفونه
الحاشي تقل مستنكر المكان ولاهو ياكل من البرسيم والرجال طارحن باله عليه ويشوف انه ما ياكل
المهم تقهوو وجاء وقت الظهر وقاموا يصلون وعقب الصلاة دخلو البيت ريحوا وتغدوا وعقب ما تغدوا
قال الرجال للولد رح وانا ابوك وشف الحاشي هو اكل البرسيم والا لا
قام الولد للحاشي يوم جاه وشاف ان الحاشي آكل البرسيم كله وبارك يتجرر
نكس الولد لبوه وعلى طول ابوه سأله هاه ياوليدي عساه اكل البرسيم
قال الولد ( لقيته يقراء غيب ) يعني آكلن البرسيم وجالسن يتجرر
عقب هالكلمه جاء العصر وبعد الصلاة مروا الحاشي ولقوا فرثه على جذع النخله راح فطيس
النهايه
لاحول ولا قوة الا بالله
تقبلوا تحيات محبكم
النبهاني

__DEFINE_LIKE_SHARE__