كيف يتم تغيير رأس دبه ام رقبه

[محروم.كوم]

اخواني الكرام

تحياتي للجميع

ومبرووك عليكم الامطار والخير عم الله بنفعه البلاد والعباد

لدي دبه ام رقبه 10 رطل جيت ابعبيها غاز ولقيت الراس خربان

رحت لمحل متخصص لتغيير الرأس وقالو الرأس خربان فيه تهريب بالمفتاح والبلف بايز

وطلبت منهم تغيير الرأس وقالو مانقدر نفكه لان فكه يحتاج الى كسر الرقبه ومن ثم فك المفتاح بالطرق بمطرقه حتى ينفك وبعد ذالك يجب تلحيم الرقبه مره ثانيه عند ورشه لحام

وقلت الكلام هذا مو معقول وانا ابي الدبه سليمه وبدون ترقيع وتلحيم والبويه مابيها تخرب

قالو مافيه حل الا تروح لمخرطه ويثبتون الدبه بملزمه كبيره ويفكون المفتاح بادوات الملزمه حقت الفك لان هذا النوع من الروس مستحيل فكه بمفتاح عادي

طلعت من عندهم ورحت البيت و قلت في نفسي خل احاول افك الدبه بنفسي مع اني مقتنع بشبه استحاله بناء على كلام (المتخصصين اهل الخبره)

استخدمت المفتاح اللي يكمش (يقمط) على الراس حق الدبه وحطيت فيه سكروب وفريته بقوه وانفك

وكانت عمليه سهله وبسيطه ولو استخدمت ابو جلمبو كان انفك على طول واتررككم مع الصور

الراس الخربان قبل الفك

المفتاح الكامش يطبق على الراس مع وضع سكروب او اي اداة على شكل قضيب يتم من خلالها ادارة المفتاح حسب اتجاه السنه

الدبه بعد فك الراس

بعدين تركيب الراس الجديد بعد لف تيب سباكه عليه وبكثافه ومن ثم الكرب عليه بواسطه اي مفتاح يتمكن منه سواء مفتاح الكمش او ابوجلمبو او اي نفتاح عادي يركب
مع الكرب عليه بقوه ولكن الى درجه لاتعرضه للتلف او الكسر

والعمليه ماتاخذ 5 دقائق مع العلم ان الرأس ايطالي وسعره 30 ريال





وسلامتكم

__DEFINE_LIKE_SHARE__