مسيرة اليوم من دوار القدم + طوق كرامة

[محروم.كوم]

يبدو اننا بحاجة الى طوق كرامة من دوار القدم الى شارع 14 فبراير , اليوم الساعة الثالثة , الرجاء النشر و التحشيد و المشاركة الفاعلة , و جزيل الشكر للاخ محرقي

اقتباس:
المشاركة الأصلية كتبت بواسطة محرقي 2020

بسم الله الرحمن الرحيم
اللهم صل على محمد وآل محمد وعجل فرجهم وفرجنا بهم يا منتقم
السلام عليكم ورحمة الله وبركاته
حياكم الله تقبل أعمالكم وغفر لكم وجمعة مبارك إن شاء الله
شباب الله يبارك فيكم اشفيكم ؟ ليش مو راضين تفهموني وتركزون على كلامي
يبه كلامي واضح؛ أنتو مو على أيام أو اعتصام الدوار لأن الجيش للحين ما نزل
في الشوارع ولا الجيش السعودي دخل البحرين يساندهم ولا حتى نفس الطريقة
اللي قاعدين الشغب يتعاملون مع المحتجين حتى الطابلة كلهم صايرين ضد الشعب؛
بشكل طائفي مو سياسي، اقصد من كلامي ألحين قامو يتعاملون مع المحتجين بشكل
طائفي بغيض وفي نفس الوقت قصدهم تطهير عرقية للشيعة؛ المهم انتو على قولتكم
تبغون تزحفون إلى كبري كرباباد (السيف) بالله عليكم اشلون تبغون تزحفون والشوارع
مكشوفة وفاضية مافيها ولا سيارة مثلا ً لو في الشارع كم سيارة على عدد الأصابع
عجل اشلون تبغون تحمون روحكم وتقللون الخسائر .. تدرون ليش كررت عليكم وأبغيكم
تسون ازدحام وتخلون حركة المرور مشلولة تماما ً لأن:
1- أول شي صعبة على النظام (استخدام القوة المفرطة) قدام العالم والشارع مشحون
هنود ، بنغالية ، فلبنين باكستانية ، انجليز ؛ فرنسين و..و.و..وهم جالسين في السيارات
2- إذا صار ازدحام صعبة عليهم يطرشون امدادات بسهولة بسبب الازدحام.
3- صعبة عليهم يضربون المحتجين مسيل الدموع او المطاط ورصاص الشوزن

والناس (الأجانب) جالسين في السيارات.
4- وجود السيارات مصلحة للمحتجين لأن يقدرون يحمون روحهم من الطلق.
5- وجود السيارات يفسح المجال للزاحفين وبالخصوص من كرباباد والسنابس.
6- وجود السيارات تمنع الشغب من دهس المحتجين.
7- وجود الناس في السيارات تسمح للناس والمحتجين التصوير والتوثيق بكل حرية.
8- أثناء الازدحام يفسح المجال لأصحاب السيارات النزول من سياراتهم لمساندة الزاحفين.
وعليكم تكملون الباقي ... الصراحة نشفتو ريجي من كثر ما ألهط عليكم بهالفكرة

ها اشرايكم ؟ ... انتظر ردكم وتعليقكم على هالطريقة

تحياتي
نسألكم الدعاء

__DEFINE_LIKE_SHARE__