ياراكب اللي مافي فخامته هرجه

[محروم.كوم]

ياراكــب اللي مــأ فـي فخامته هرجه
........................عـلـى جبيـنـه رمــوز لـدولـةٍ انتـاجـه
جيـبٍ ركونـه قــدم وخــلاف مـدّرجـه
........................يطـوي سراميـد جـرد البـيـد منهـاجـه
ودّك تغـنّـي لـيـا مـنّـه عـطـا الفـرجـه
........................يــا مــل قـلـبٍ يـسـج وفـيـه دولاجــه
الــوقــت دوّار والايّـــــام مـنــدرجــه

.......................كـم طيّـبٍ حوّلـه مــن عـالـي ابـراجـه
لاَ قـام وقتـك يقـلّـط عــوره وعـرجـه
.......................وازريت تصبر على عوجاه وازعاجه
امتـس حـبـل الـلّـزوم وقـلّـة الخـرجـه
......................ودوّر رفيـق الرّخـى حجّـه لمخـراجـه
نصّه حـزام الظّهـر فالسّاعـه الحرجـه
.....................اللي للاصحـاب دايـم يضحـك حجاجـه
علـى يديـه اعتـبـر كربـتـك منفـرجـه
......................مثـل الـدّوا اللـي يـدس لحـزّة الحاجـه
تجيـه مشـدوده اعصـابـك ومنحـرجـه
.......................وتـروح مـن عنـده اعصابـك بثـلاّجـه
وان قيل بالله من ؟ قل : ما بها هرجه
.......................مسلـط .. ليـا مـن كـلٍّ عـد مـا واجــه


وسلامتكم:f

تحياتي ابو عطيه الحربي __DEFINE_LIKE_SHARE__