طعنة حبايب

[zoOoOoz]

ياني هبوب الكوس لايب

وهيّض كنيني كوس طلّان ~~

واذكرت ليطعنة حبايب

ردّوا على احساني بنكران ~~

علمتهم ضرب الحرايب

وعلمتهم قبضات لسنان ~~

وعلمتهم كيف انتذايب

لكن عليّهصاروا احصان ~~

مايي على الصبخا صبايب

اسجيت الى ان سوّيت غدران ~~

واثر الصبخ تنهب نهايب

وتبخل وفيها الخير ما يبان ~~

انا عطيت ابلا طلايب

لكن عطايه عند جحدان ~~

وافيمن ازمانٍ عطايب

وافي وطبعي بالوفا زان ~~

وافي ولا دست السبايب

ولا حيدني ضرّيت انسان ~~

كم فازعتهم في النوايب

فزعةخوان اقروم لخوان ~~

ويا كم عفّيت الشرايب

والله لو نا كنتعطشان ~~

واسجيت ضِميان الصحايب

لين ارتووا وتمّيت ضميان ~~

اويوم صابنّي المصايب

ما ريت لي صاحب ولا اعوان ~~

عنّي تخلّوا يا القرايب

وادعونيه اوحيدٍ وحيران ~~

افدوّ تذريه لهبايب

وضيجات تضويني مسيّان ~~

ابىارتفع فوق الحدايب

وجدّاميَه ضوٍّ ورسلان ~~

دارٍ بلا سمتالعرايب

اتعيب لي في الدار سكّان ~~

بوصيك يا قاري الكتايب

لا خير في ربعة هلثمان ~~

لا خير في راعي الكذايب

وصاحبكلامه افلوس واثمان ~~

وصاحب كما هَيل الترايب

وصاحب كماالحرباه بلوان ~~

ولا خير في راعي المعايب

اللي رمسلك فيك رمسان ~~

واللي نفخ كيره لهايب

عنه النبي ناهي من ازمان ~~

ولا خير في ربع اللعايب

ولا خير في خوّان لاوطان ~~

خاو الذي يوثب وثايب

يفزع لك افصلفات لامحان ~~

واللا الردي امخاواه خايب

في اللين زان اوفي المحن خان ~~

شفني زقرت اولا موايب

اللا إلاه العرش سبحان ~~

وربّي ان عطا يعطي وهايب

وانا طلبت الرب غفران ~~

وقربٍ لفكّاك النشايب

اللي يرد الطيب باحسان ~~

صاحبك سمعتك اولاطايب

ناس اتّخذهم دوم خلّان ~~

سيّس على ساسٍ صلايب

على الهَيل مايقوم بنيان ~~

وصلّوا عدد ما تاب تايب

على محمد نسل عدنان ..~

"

وسوااااااالم

__DEFINE_LIKE_SHARE__