^^^^ قصيدة في مدح القبايل الاماراتية ^^^^ شوف جبيلتك وين

[الهاجسة]

انا احب الامارات ولو مانيب اماراتية .... اهلها ع العين والراس ياحلو هالطاري

المناصير اخلاق وعادات نفس اجودية ... أصل وفصل ونوماسهم ماوطا خاري

والعوامر ويل حالي علومهم سنافية ... الضيوف في ميالسهم مقبل وساري

والنعيمي حبايب قلبي اخلاق وحمية ... ياحلات القرب منهم لو في الصحاري

وبن كتب نوماس العز وعلومن قوية ... ياحظ من خاواهم في مخوتهم عماري

المزاريع للحق نبراس ضاوي و ضوية ... ازرعوا نبت المحبة في ميادين الحباري


وبالخيل خياله عرفوا نهج السوية ... فرسان للحق و مواجيب لهم جنمب القماري

الغفلي ويل حالي بالغلا مبطي عليه ...شوقي لهم شوق كبير للمواجيب تداري

السويدي احترت في مكارمهم العذية ...ويش اوصف ويش اخلي سيفهم بالحيل ضاري

المهيري للضيافة مقبلين صبح وعشية ... طيبهم وباخلاقهم تشدي الطواري

الدرامكة في الشجاعة مايهابون المنية ... لو نخاهم الاجودي فزعوا له سماري

الشحوح وان هبت رياح الموسمية .... ياحلات البساطة وللضيوف حطوا غواري

والدروع حبهم مثل سيول المهمهية ... وللبداوة هم سواعد وللبداوة هم مداري

النيادات طيبهم طيب ونفوسهم أبية ... مايغط الحق عندهم وللسعادة هم شواري

الشوامس حلو منطوقهم وبه جاذبية ... الهم يخوز في مجالسهم وللفرحة دواري

الكعبي هدوء نفس وتفاهمهمب روية .... طيبهم لا ما نوجد بين عربان الدياري

الظواهرحامين الديار مايردون الهدية .... للمواجيب نخوة وللمناجيب هم دواري

المناهيل سيوف الحق وحلالين القضية .... ياحلات الجلسة معهم في هبوب الذواري

الهوامل متواضعين وتاركين العنجهية .... ياحلو منطوقهم درر ومابه من يواري

القبييسات وش اقول يا حروف الابجدية ... وش اوصف حبهم فايض من عين عذاري



وسواااااالم





ــــــــــــــــــــــــــ __DEFINE_LIKE_SHARE__