في البر..تنام على الأرض أو في السيارة؟

[محروم.كوم]

في البر..تنام على الأرض أو في السيارة؟

يااخوان نبغى المشاركة تكون جديةوكل مشارك يتكلم عن نفسه ويوضح الاسباب وأولكم أخوكم ابومحمد.. والموضوع:-
-اذا طلعت البر وحداني تنام على الارض او في السيارة---- ------ انام على الارض.
- اذا طلعت ومعك خوياك----- على الارض طبعا
- تنام على طول او جميع انواع الوسوسة-- حسب الاماكن والاحداث ربع ساعة ثم بسم الله.
- وش الاشياء اللي تخافها في البر وهل صادفت اي منها مثل:-
1- الناس (قطاع طرق( -حرامية- غيرهم)--حصل وتبرع واحد منا بالسهر اما انا وباقي المجموعة نمنا ولله الحمد.
2- جن ------ حصل مرتين ومعي خويا وغيّرنا الاماكن مرة نمت ومرة لا والله.
3- عقارب ,ثعابين ,عناكب ,بعوض .-- كثير وتعدي ولله الحمد على خير شوي وسوسة وتوليع بالكشاف ثم نسحبها نومة.

4- حيوانات مفترسة..---- نسمع اصوات مثل عوي ذيب من بعيد وشوي وننام لكن بصراحة جميع انواع الاسلحة والسلاح الاقوى هو التوكل على الله والثقة به سبحانه.
طبعا تقرا المعوذات والاذكار وما ترمي شي مثل بواقي الاكل حولك وتختار الاماكن المستوية-تبعد عن الشعبان والمشاجير والجحارة ..الخ -من الامور اللي تعرفونها, وتترك الخطأ على الناس مثل المقانيص في ديار ناس تمنع الشي هذا والرحلات حول الحدود خصوصا اللي فيها حروب.
وللمعلومية طلع معنا ناس مستحيل ينامون في الارض يزبن الواحد في السيارة وهذا اللي يخليني اسألكم هل الشخص هذا:جبان او موسوس او ماذا.. وهل يطيح من عيونكم او يشفع له حسنات اخرى.. مع العلم اني اعرف من هالنوعية جريئين الا بهالامور.
وهل اللي ينام على الارض :عادي او شجاع او قلبه ميت او ماذا.
للاهمية نستبعد امور الحر مثل اللي يشغل المكيف .ولكم تحياتي. والسلام عليكم. __DEFINE_LIKE_SHARE__