|نصيحة احد الاخوان على الايميل|خلك رزين بالركن العام!!

[محروم.كوم]

بسم الله الرحمن الرحيم
السلام عليكم ورحمة الله وبركاته..وبعد

كل عام وانتم بخير وتقبل الله منا ومنكم...
|
|
السالفه ومافيها:
احد الاخوان جاء يكلمني على الايميل وقال لي::
ياخي وش فيك انت يالطرقي؟؟
قلت له :سلامات وش فيني؟!
قال: ياأخوي تراك دعم فني وووووو الخ
قلت :طيب وين المشكله؟
قال:اشوفك بالركن العام تسولف وتضحك وردودك بسيطه او بمعنى اصح لاتميل الى الرسميه.
قلت له:طيب وين المشكله بالردود البسيطه والضحك مع الناس؟!!



قال:شكلك ماتفهم ههههههه
قلت :اعتبرني ماأفهم وضح لي بالعاميه(احقنها حقن):shiny01:
قال:الدعم الفني او اللي عنده استضافه او مصمم وعنده عملاء وووو الخ لابد يكون (رزين..رزين..رزين)مو يكون فالها مع الناس ..بالعربي يالطرقي خل ردودك رسميه ومو ترد على اي شخص او تضحك وتخلي الناس تمون عليك لابد تركد شوي!!!
قلت:يهب شايفني طاير بالسماء يوم تقول اركد شوي؟؟
شايفني اسوي شي حرام؟؟
شايفني اسوي شي عيب؟؟
قال::لا لا لا بس خلك رسمي مع الناس بحكم انك دعم فني وتبي عملاء ووو الخ
وانا اشوفك تسرح وتمرح بالركن العام وردودك كلها ترى يمكن تفسد عليك عملك كـ دعم فني
قلت اقول::كل كلامك اللي قلته لي معناه اصير(متكبر)حتى لو انك ماقلتها لكن كلامك يلمح لتلك الصفه والعياذ بالله..
قال ::ممكن يكون صح كلامك يالطرقي لكن لاتصير متكبر بقوووه هههههههههه
قلت له::اقول الله يصلحك وينور دربك (ترى الكبر صفه لله سبحانه وتعالى ولايحق لاي شخص ان يحمل صفه من صفات الباري عز وجل)بس اتق الله في نفسك واستغفر ربك..
وانا ماراح اغير من اسلوبي ولا طبعي ولا ردودي والدعم الفني بقلعته اهم شي ياخي حب الناس والفلوس تروح وتجي وماعمر الفلوس نفعت المتكبر واذا تبي دليل شف قارون واقرأ قصته يمكن تعتبر ويهديك الله..
وتذكر وانا اخوك(من تواضع لله رفعه)واذا رفعك الله فهذا هو المكسب وهذا هو الفوز غير كذا ترى خساره..

المهم تلك المحادثه طويله وفيها اخذ ورد ولكن كتبت لكم المفيد ولب الموضوع اللي انا ودي نتكلم فيه..

ودي اكتب كم سطر لكن اخلي الموضوع لكم فانتم الشمعه المضيئه للموضوع ..


دمتم بخير
اخوكم
الطرقي

__DEFINE_LIKE_SHARE__