## قصة الأم وولدها والحلم ##

[محروم.كوم]

بسم الله الرحمن الرحيم




هذه حكاية تبين لكم مدى تعلق الناس بالاحلام وخوفهم منها وهذا الشي لايجوز لان كل شي بيد الله وعبادة الخوف تصرف لله وحده وهو وحده العالم بمصائر الناس ,,,
وذلك لكثرة تعلق الناس حاليا بالاحلام ,,,صحيح الرؤى تصدق ولكن الرويا للرجل الصادق ولها ظروف معينه ,,,,

نجي لقصتنا وصاحبتها ,,,

هذي القصة حصلت لامرأه حلمت في احدى الليالي ,,,,انها رزقت بابن ...وان ابنها هذا سوف يموت في ليلة زواجه ....وبعد هذا الحلم صارت تخاف انها تحمل ,,,,وكل يوم وهي سارية على زوجها ....يافلان ماودي بالحمل ,,,حنا كذا زينين ,,,وهو وش بلاك ياحرمه المال والبنون زينة الحياة ,,,ومنا ومنا ,,,ومع الايام ,,,
تحمل الحرمة ,,,وتستصيب ,,وبدل ماتفرح بالحمل ,,,صارت خايفة ,,,يارب ,,,,هالحين بيكون ولد ,,وبيموت اذا اعرس ,,,وصارت تهوجس ,,,

وتمر تسعة اشهر ,,,وتحس بالام الولادة ,,وتدعي ربي ,,,يارب مايكون ولد ,,,

يارب مايكون ولد ,,,

ويرزقها الله بالولد ,,,,,

ويكبر الولد ,,ويصير ,,,رجال ,,,وكل ماكبر ,,,وكبر ,,,امه همها يكبر وخوفها يكبر من حلمها القديم ,,,

ويصير ابوه يضغط عليه ,,,

ياولدي ,,انا كبرت ودي اشوف ذريتك قبل ياخذ ربي امانته ,,,,

والام,,,مايعجبها هالحكي ,,,

تكفى ياابو فلان الولد عايش حياته مبسوط ومستانس وماعليه ناقص ,,,,انا اخدمه واكله ,,

وشو له يعرس ,,,هو كله خوف من حلمها القديم ,,,,

وتمر الايام وزوجها يضغط عليها وولدها يضغط عليها ,,,

وفي الاخير استسلمت للامر الواقع ,,,,,

في ليلة من ليالي الشتاء ,,,والبرد ,,, ,,

يعلنون الاهل العرس ,,,,, ويجهزون خيامهم ,,,وذبايحهم ,,,


ويستقبلون ضيوفهم ,,,,


والحريم ,,,يتزينون والاطفال يلعبون ,,,الكل مبسوط وفرحان ,,,

إلا ام المعرس ,,,قلبها يغلي نار

على وليدها ,,,,,,,, وكلها ,,خوف على ولدها ,,


تنتظر بس يقولون

يافلانة ولدك مات ,,,وكأنها بيوم وفاته ,,

ماكأنه يوم عرسه ,,,,,,

والعريس ,,,في فرحة العرس ,,,يتمشى بين الخيام ويجهز اغراضه ,,,,

وفجأة وهو يمشي ,,,,سمع ونين ,,,وصوت حرمة,,,,

قرب ,,,لم الصوت ,,,وترك العرس وأهل العرس وراه,,,,,

قال هذي شكلها حرمة ملهوفه ,,,

ويقرب ,,,للصوت ,,ويسمع صوت الحرمة اللي تقول ,,,

برد وليل شتاه ((يعني شتاء ) ولا به (مافيه ) عشاه(عشاء )

برد وليل شتاه ولابه عشاه ,,,,

لما سمعها المعرس ,,,راح لها وسألها ,,,عن قصتها ,,,

وطلعت ام ايتام وذابحها الجوع ,,,

ويروح الولد لبيتهم ويجيب قله (بكسر القاف يعني كيس من خيش ثقيل ) فيها تمر

ويعطيها الحرمة وعيالها ,,

ويروح المعرس لعرسه ,,ويدخل على زوجته ,,,

وطول الليل والام سهرانه ,,,ويوم يطلع الفجر ,,,

تروح الام لعند فراش ولدها تبي تشوف حي والا ميت ,,,,

ويوم ,,,راحت لفراشه ,,,,

تفاجأت ,,ان الفراش فاضي ,,ومرقده مافيه احد ,,,

وهي اللي تنفجع ولدي مات ,,,

وترفع الفراش ,,,وتلاقي تحته ثعبان طويل ,,,ميت ,,,,

وتلاقي ولدها يفطر مع عروسته ,,,,وبخير ومافيه شي ,,,

سبحان الله ,,,,كان ممكن هالثعبان يكون سبب لوفاته ...

لكن الصدقة بعد اذن ربي دفعت عنه هالميته ,,,,,

سبحان الله ,,,

وانتهت القصه ,,,

الفوائد,,,

# لاتتعلق بالاحلام واتبع السنه اذا حلم شين اتفل يسارك ولاتقول لاحد واذا زين اسكت وعلم اللي يحبك بس ,,,

# الاكثار من الصدقه ,,وعدم استحقار اي شي ,,,حتى كسرة الخبز ,,,,ادفع ماتجود به نفسك ,,,
# حتى في لحظات الفرح لاتنسى الناس المحتاجين ,,والوسطيه زينه في الفرح والحزن ,,,لاتفرح مرة ولاتحزن مرة ,,المعرس مااخذته هفة العرس والفرحه ,,,انتبه للصوت واطعم الحرمة وعيالها ماتركهم __DEFINE_LIKE_SHARE__