راعي العجر وراعي الشيول

[محروم.كوم]

السلام علاكم ورحمة الله وبركاته
اليكم هذه السويليفه وليست سالفه
مرة من المرات احتجت الى شيول وقلاب ابا اشيل بعض المخلافات من العماره اعزكم الله
وذهبت الى مواقف الشيولات وحصلت واحد طيب بالحيل وكان معه هذا الحوار
راعي العجراء,,,,,,,,, السلام علاكم
صاحب الشيول ,,,,,, وعلاكم السلام هه وش تبا ويش عندك
راعي العجراء ,,,, وش ضنك عندي ؟؟؟؟؟ انا واقف عند بقاله او صيدليه اللي انا ابيه واضح ماوقفت عند شيول وقلاب الا عندي تراب بوجه العدوا ابا اشيله
ودامك سألت ابعلمك وش ابا ويش عندي
ابا رجال نشمي شقردي لامسكته مهمه اداها على اكمل وجه
قال ابشر وهو يطق على صدره قال روح ان شاءالله اني قد المهمه
هه وش عندك
قلت كفو تحري بالعلوم الزانه
قال هه وش عندك
قلت ياخوك اصبر اباعلمك بس لاتصير عجل وراك معلق ٍ برطب من العجله
انا طال عمرك ابي رفيق ابا اطلع انا وياه للبر الليله
هه تقدر تطلع معي
قال ايبله اقدر اطلع معك بس وش عندك
قلت انا ياخوك انا ناوي اصيح الليله حتى يصفى راسي من الصياح
ودي اقعد براس طويله وانت تقعد براس طويله ونصيح انا وياك ابيك ترد علي الصوت بالصياح حتى ادري باني ماهو انا الحالي اللي يصيح يمكن اقتنع ولاعاد اصيح
على قول الخنساء ولولا كثرة الباكين حولي على اخوانهم لقتلت نفسي
وان شاءلله مايحصل مجرد مداعبه
قال ابشر والله اللي ابا اصيح معك حتى تتنفخ عيوني من الصياح
قلت كفو بس علمني وش تبا تصيح علاه
قال ياخوك والله مدري ماعندي شي اصيح علاه بس ابا ادور ونبا نلقى شي نصيح علاه

قلت ياخوي اخاف تلقى شي تصيح علاه وماتسكت من الصيح ويطلع علانا النور
وابلشبك ماغير ادور اللي يسكتك
وانا وراي دوام مقدر اتاخر
قال ابد ان طولت علاك بالصياح رح وخلني وتعال باكر نكمل الصياح سوا
قلت اجل انت نشمي وخوتك تنشراء وانا يابن الاجواد عندي باقي مخلفات بالعماره وابا الشيول والقلاب
وماعقب طقت الصدر والصياح مكاسر بالاسعار امش وانا راعي العجراء
الله يذكره بالخير
بالصراحه كان رجال مرح جدا جلست اسولف معه وسواقينه يشتغلون
حتى كملوا الشغل
هذه سالفتي لهذا اليوم وان شاءلله تحوز على رضاكم
وتقبلو تحيات اخيكم راعي العجراء
وقبل الختام
سبحانك اللهم وبحمد لااله الانت استغفرك واتوب اليك

__DEFINE_LIKE_SHARE__