ماكذبت أمي عليّ .. يوم قالت ..

[نور الاوطان]

..ماكذبت أمي عليّ .. يوم قالت ..


ياوليدي ...
لاتنام إلا متوضي ...
وصل .. لله ركعتين ..
واقرالك لو آيتين ..
وارفع يديك وتضرع .. بالدعاء ..
يشرق النور بجبينك ..
ماتجيك أحلام توحش ..
وماتقوم الصبح ..
مهموم .. وحزين ..




.. ماكذبت أمي عليّ ..
يوم قالت ..

ياوليدي ...
لاتفرط في صلاتك ..
ولايغرك حب ذاتك ..
ولايبل الريق مسكر ..
حتى لو يبست لهاتك ..
ياوليدي..
إحرص .. تصلي الجماعه ..
وكل ساعه ..
راقب الله في حياتك ..







.. ماكذبت أمي عليّ ..
يوم قالت ..

ياوليدي ...
لاتصير إنسان جارح ..
إضحك بوجه الجميع ..
عامل الناس بتسامح ..
لاتفرط في حقوقك ...
لاتجامل في النصائح ..
ولاتثور .. تصير فاضح ..
وإن لمست عيب صاحب ..
لاتنافق .. ولاتصارح ..
وإنتبه من هالنصيحه ..
لاتصير إنسان غامض ..
ولاتصير إنسان واضح ..







.. ماكذبت أمي عليّ .. يوم قالت ..


ياوليدي ...
إحذر .. أولادك ومالك ..
لاتجافيهم وتقسى ..
ولاتبالغ في دلالك ..
ربهم بالخير .. تربح
وعلم النفس القناعه ..
وعلم القلب الشجاعه ..
ولاتغطي العين وتحلم
وتخدع الرآي بخيالك ..






.. ماكذبت أمي عليّ .. يوم قالت ..


ياوليدي ...
إنتبه .. لاتبني دارك
قبل ماتختار جارك
وفكر بحق المجوره!!!
لايحس إنك ظلمته ..
وإلا إنك يوم خنّته ..
وإلا توذيه بصغارك ..









.. ماكذبت أمي عليّ ..
يوم قالت ..

ياوليدي ...
إن وعدتَ وعد .. فاصدق
إحذر تزل بلسانك ..
أو تقلل يوم شانك ..
عش عزيز النفس تسلم ..
حاجتك للناس .. علقم ..
لاتبين ضعف حالك ..
أو يغرك زود مالك ..
ولاتهين إنسان .. تندم ..








.. ماكذبت أمي عليّ ..
يوم قالت ..

ياوليدي ...
خلك إنسان بكرامه ..
لاتغرك هالأمور ..
المناصب ..
والقصور ..
فكَّر بيوم القيامه ..
فكَّر إنك ماأنت خالد ..
رحلة الدنيا قصيره ..
تلقى نفسك في سلامه ..








.. ماكذبت أمي عليّ ..
يوم قالت ..

ياوليدي ...
إحذر تصير البخيل ..
واحذر تبذر وتطّغى
واحذر تعيش بخساسه ..
أو ذليل ..
ولاتنام بيوم خالي ..
لاتنام بدون لاتفعل جميل ..
تلقى نفسك في معزه ..
تلقى روحك في شموخ ..
ياوليدي ..
عش أصيل ....
ومت أصيل ..







.. ماكذبت أمي عليّ .. يوم قالت ..

ياوليدي ...
كل ماسويتْ فيني ..
أو في أبوك ..
تبي تشوفه من عيالك ..
ياوليدي ..
بر فينا تلقى بِرك ..
ياعسى الله لايضرك ..
والله الله ..
لاتلين بضعف تعصر
وإلا تقسى بشر تكسر
ياوليدي
إصحى .. وإحذر
زوجتك تشكى وتكدر ..
لاتدقق في خطاها ..
وإنتبه تكشف غطاها ..
تسعد بنعمة وفاها ..
وتلقى منها مايسرك ...






.. ماكذبت أمي عليّ .. يوم قالت ..

ياويلدي ...
لاتمل هموم حملك ..
ولاتظن الناس مثلك ..
واصنع أمرك من يمينك ..

لاتدور من يعينك ..
بين ربعك .. ولاأهلك ..
لاتعامل باللي تكره ..
ولا تجارم وإلا تشره...
ياوليدي .. ..
هذي وصايا ..
لاتفرط في بعضها ..
ماتتوه الشمس عينك ..
أو تتوه الأرض رجلك ..
ياوليدي
هالأمانه
حاول تحمّلها لطفلك !!

^^
من راق اعجابي .. __DEFINE_LIKE_SHARE__