المشجع الى ازعجنا باالملعب وطلع غشيم

[محروم.كوم]

السلام عليكم
مساكم الله باالخير
السالفه من زمن بعيد ايام الشباب
كنت حاضر مباره وكان واحد من المشجعين وراي مزعجنا قبل ماتبدا المباراه وهو يحلل ويتفلفس علينا هذا الاعب زين وهذا غشيم وهذا وشوله يلعب لو ابجيب جدتي تلعب احسن منه قلنا الحين تبدا المباره ويسكت
وصفر الحكم وليته ماصفر خوينا استلم التعليق وبداء ينتقد الاعبين واحد واحد حتى العارضه ماسلمت منه ليه يصبغونه ابيض ليه ماتكون احمر ولا اى لون يشوفونه الاعبين زين
قلني له يااخوي عندك بين الشوطين قل الى تبى وخلنا نستفيد منك
والمظحك والطامه الكبره له انه ومن هجمه للفريق الخصم تطلع الكوره اوت يعنى بره ويجى لاعب يرمي اوت لخويه والاعب صاير لحاله عند الباب ويصيح خوينا المشجع تسلل ياحكم تسلل ياحكم وهو قال هاالكلام وانا اول واحد يغشي على من الظحك والى حولى ماتوا من الظحك عليه ونسينا المباراه وخوينا المشجع مستغرب مايدري وش السالفه يوم دراء اننا نظحك عليه وان الاوت مافيه تسلل فشل وصار وجه طماطه محميه حمراء
قاله واحد من المشجعين مايستحي صاجنا ومزعجنا من قبل ماتبداء المباراه وانت خشيم ومن جنب العارضه وتبى تغير لونه الله من زين العلوم قم بس قم

والرجال قام ولا شفني الا غباره
والحمدلله كملنا المباره وروقنا وظحكني لمين خلصت المباره
وسلامتكم
جميعآ

__DEFINE_LIKE_SHARE__