تكفون المساعده الله يرحم والديكم

[محروم.كوم]

السلام عليكم ورحمة الله وبركاته









كيفكم ان شاء الله بخير





انا ضيعت الايفون حقي وما ابي اقول انه مسروق لانه انهبلت من ضيعت الجوال
السالفه كلها باقولها لكم وانتم ساعدوني

انا معي بلاك بيري والايفون استخدمه قليل لكن افتحه كل يوم مره واحده ابو 5 دقايق واقفله وارجعه لكرتونه واليوم الثاني افتحه واشغله واشيك عليه واقلب فيه شوي واطقطق عليه وارجع اقفله وارجعه كرتونه استمريت علي هالحال شهرين تفريبا


ويوم السبت الماضي قبل اسبوع تقريبا كنت بروح اتابع مباراة البرسا اللي فازوا فيها 8 / 0
المهم حطيت الايفون بالكرتون ونزلته عند رسيفر التلفزيون بمكانه المخصص دايم احطه عند الرسيفر بالمجلس وطلعت بعد العشاء يعني تقريبا 9 مساء
رجعت البيت الساعه 2 الفجر فتحت الكرتون مالقيت الجهاز الكرتون موجود بس الجهاز مو فيه و ادور الجهاز مالقيته
سالت اهلي كلهم قالوا ماشفناه وماعندنا اطفال اصعر واحد بالبيت من اخواني الثلاثه عمره 23 سنه
دورته بكل مكان مالقيته
سالت جاكم ضيوف قالوا لا بس الساعه 12 ونص بالليل جا اخوك الكبير معه رجال دقيت علي اخوي قال اي جاني ضيف م امون عليه بقوه بس يعرف نسيب اخوي وقلطته بالبيت يقول انا والرجال جلسنا ساعه ومشي يعني مشي الساعه 1 ونص او 2 تقريبا المهم قبل ما ادخل البيت بدقايق قلت جواليكان بالمجلس شفته قال لا قلت الرجال وش وضعه قال ما اعرفه زين خوي نسيبي

المهم مالكم بالطويله ماعاد فيه الا هالرجال قلت له انت جالس عنده قال غبت عنه 10 دقايق بدلت ملابسي ورجعت له قلت له قام من المجلس قال اي راح دورة المياه ورجع


وجوالي الا الان مفقود مدري وينه

انا خلاص شكيت بالرجال وما ادري كيف اجيب جوالي وكيف ابحث عنه شاريه من نزل بـ 2800 ريال و انا طالب جامعه يعني مكافئة 4 شهور تقريبا

تكفون ساعدوني كرتون الجوال عندي ورقم البي مسنجر حق الجهاز عندي ورقم الهوز هير عندي ورقم الجهاز كلها علي الكرتون

يعني لو حرامي طب البيت بياخذ الجهاز والكرتون كامل وكان فيه لابتوبي ماك بوك موجود بالمجلس بعد وفيه بلايستيشن 3 بالمجلس يعني لو هو حرامي بياخذ كل الاجهزه او علي الاقل بياخذ الجوال والكرتون


انلحس مخي وما عاد اقدر افكر ومن يوم السبت وانا متضايق ومهموم ومغبون



تكفون ساعدوني الله يوفقكم ويخليكم

__DEFINE_LIKE_SHARE__