وضح النقاا

[عيسى العازمي]

السلام عليكم ورحمة الله وبركاته

اللهم صلي وسلم على سيدنا محمد وعلى آله وصحبه أجمعين
أما بعد ....
فالبدايه احب اهنيكم وابارك لكم هذا الصرح الشامخ
ولي الشرف في النشر في هالمنتدى
وان اكون من رواده وعسى الله يجملنا ونفيد ونستفيد

وكل عام وانتم بخير




البارحه في هجعة الناس ياسعـود *** ساهر واخيل النجم يضوي وأعده

وقد قيل راع المال بالحيل محسود *** بس البلا فقران ونذلـن يحسـده

فقير مالـن لكـن العـز موجـود *** عز النفـوس ولا حيـاة المـوده

لكن شسوي فيك يا حـظ مقـرود *** يا شيب رجلن وقف الوقت ضـده

اصبر ياقلبن تصفعه لفحة النـود *** سهر الذياب ولا حريـر المخـده

نص الرسايل كامله ونص مفقـود *** وحاولت أرد نصـه وعييـت أرده

لاصار وصلك باب والباب مسدود *** لاشك شوفك بـاب بيـدي بسـده

ارقا يا حرن له مواثيق وعهـود *** حومة حرار ابلا سبـوق ومهـده

المرجله والطيب من جدي العـود *** ووضح النقا سرنا ودجنـا بخـده

والناس قالوا كل ملحوق مطـرود *** كله سبب خبلـن عيونـي تلـده

والا انت ياحلون تواكل من الـدود *** مالك ومال اللي حصل لـك بمـده

صحيح فيك النون من دونه جنود *** لكن أببعد عـن حـدوك وجنـده

ولي شاربن يعكف وبارز ومشهود *** ماهوب من شعره بمشطـه يكـده

ناسن بها أنواع والسيف مجـرود *** شخصن ينام وشخصن النوم نـده

وأحدن دفن سده ورا القلب مجحود *** وأحدن ظروف الوقت باحت بسده




وسلامتكمـ

وتقبلوا خالص تحياتي


عيسى العبودي العازمي

__DEFINE_LIKE_SHARE__