الصحراء للوازم الرحلات بالرس ( لا يفوتكم - بالصور )

[محروم.كوم]

كنت يوم أمس في زيارة للرس


ورحت مع أبو عبد الله ( أحمد الشبعان ) لمحل لوازم رحلات أعجبني جداً جداً مع صغر حجمه إلا أنك تلقى كل اللي تبي فيه , والشيء اللي خلاني أكتب هالموضوع عنه إني لقيت فيه أغلب أدوات الرحلات المطلوبة للكشاته ( الاصلية ) اللي يتعب الواحد وهو يدورها يعني مثلاً لقيت عنده دبات بريموس أصلية ولقيت قز بريموس الاحمر وكان قيمته ( 600 ريال ) يقول بس خل هالحبتين تخلص لأننا جبناهن بالسعر الغالي وإن شاء الله طالبين كمية بالسعر الجديد وعيا علي أشتريه يقول في الرياض أرخص النصف الله يجزاه خير, ولقيت عنده إبريق ستيل كوري نوع كوفيا وأغلب منتجات كوفيا عنده , وكذلك أغلب منتجات رفيق الدرب , ولقيت درابيل أصلية وسكاكين اصلية وكذلك كشافات أصلية مابعد شفتها إلا عنده وكذلك لقيت عنده شنط عزبة بر بختلف المقاسات وبجودة عالية جداً ما شفتها أبد قبل كذا حيث إنهم يحضرون أفضل الاقمشة وعندهم خياط دقيق جداً ما شاء الله تبارك الله لا إله إلا الله أدق من الكمبيوتر واللي بيروح للمحل ويشوف تفصيله بيصدق كلامي إن شاء الله


صراحة مهما قلت لن أفي هذا المحل حقه فصاحبه أبو سليمان ما شاء الله عليه مهتم في البضاعة ومهتم بالزبون بشكل لا يتصور لذلك أتوقع لهذا المحل التوسع والنجاح الباهر بإذن الله واللي مثل أبو سليمان يستحق إننا نقف معه بما نستطيع فهو مثال يحتذى به في الامانة والأخلاق وحسن التعامل وتوفير ما يحتاجه الناس بأرباح بسيطة لا تتعدى المعقول أبداً



أترككم مع الصور وإعذرونا على عند دقتها لانها بكاميرة أبو عبد الله الصغيره وأنا والله ما اعرف لها











































































يتبع ..... يتبع

__DEFINE_LIKE_SHARE__