الخوي وزعله من خويه علشان مااعزمه

[محروم.كوم]

السلام عليكم ورحمه الله وبركاته
اسعد الله هاالوجيه الطيبه
هذى سالفه سمعته من احد الجيران الكبارقبل عده سنوات

هذولا اخوي باالدوام اكبارين سن ومن زمان ايام الدوم الواحد يدوم رجل او دباب اخرين

احمر والبطران الا معه فلوس ويشترى سياره وهى قليله جدآ مع الناس ذيك الوقت

واحد اسمه ابوصالح والثانى ابواسليمان اخويه مره ورفقه عمر

ابوسليمان راعى نكته وعيار وصاحب مقالب

يوم من الايام عزم ابوصالح الربع ولا خلا احد الا اعزمه ومن الربشه والحوسه الا هو به

ابوصالح نسى يعزم خويه ابوسليمان رفيق دربه وتعرفون من اول العزائم قليله ومن غير

تكليف مره كم كيلو لحم وطبخ البيت واشوى جريش وقرصان ومرقوق والحمدلله نعمه


الله يرجعه والحقيقه اننا فقدنا هاالاشياء المفيده للصحه وخساره اعيالنا اتجهوا للمطاعم

السريعه وكثرت الامراض والمشاكل

نرجع للموضوع انتهت العزيمه وكلن شكر ابوصالح المعزب على الحفاوه والكرم

نرجع للخوى العيار ابوسليمان ودراء عن العزيمه الا سواه خوى دربه ابوصالح للربع

وكانت صعبه وقويه على ابوسليمان يجيبه يسار ويمين عجز يبلعه ويمرره لخويه لانهم

مابينهم الا كل خير وحب وسلام

اسكت ابوسليمان وجلس يفكر لان الشيطان حظر بين الاخوياء وجاء يوم وخطرت على

ابوسليمان حيله انه يمر بيت ابوصالح وهو باالدوم ولا يدرى عن شى ويمر السوق وياخذ

مقاضى لبيت ابوصالح ويطق الباب وترد حرمه ابوصالح وهو مغير صوته وقال له ان ابو

صالح ارسل هاالمقاضى معى وقالى اذا مادليت البيت والحرمه الجديد مر الولد صالح

يدلك عليه اشهقت ام صالح واغمى عليه وبغت تروح فيه لو لطف الله وستر عليه وصحت

وبدت ام صالح تفكر باالمصيبه الى حلت عليه وكيف تنكت على ابوصالح عاد تعرفون كيد

وخبث بعض الحريم :good2: الله يجعلنا سالمين من كيدهن

جاء الزوج المغلوب على امره والى مايدرى وش صائر من وراء ظهره من حيله ومكر

ياغافل لك الله جاك الموت ياتارك الصلاه دخل ابوصالح البيت ويليته مادخل اول ماقبلته ام

صالح وهى نافشه الشوشه تروع وشك انه داخل بيته ومسك اعصابه وقال ام صالح والا

انا غلطان قالت وجع ثم وجع ثم مصيبه تاخذك انا ام صالح الله لا يصلح لك امرك ولا

يوفقك دنياء واخره قال صلى على النبى يامره اذكرى الله وش السالفه تراكى اشغلتى

مخى الى مابقه فيه شى

قالت زوجتك الجديد الله لا يجدد لك شى مره ثانيه يوم انت تعرس انا ناقصه والا مقصره

معك بشى الله يقصر عمرك قال ياام صالح وش هاالبال والجنون من قالك علمينى خلينا

نحل الموضوع بهداوه واركدى الركاده زينه قاله اعوذ باالله من الشيطين الرجيم قال

السالفه قالت واحد جاب مقاضى وقالى ان ابوصالح مرسله معى لبيته الجديد وقالى اذا

مادليت البيت الجديد مر اولدى صالح ويدلك قال ابوصالح والله مااعرست ولا بنيتى اعرس

عليك انا امهبول اعاف عمرى

رجع للدوم وهو مهموم ومحيوس وتغيرت نفيسه ابوصالح على ربعه وانحاس وصار

مهموم ويقول منه النذل والحقير الى بغى يخرب على بيتى

جاه خويه ابوسليمان وشافه على الحاله واله وكل الله وعامنى وش السالفه وقص عليه

ابوصالح السالفه كله ورد عليه ابوسليمان قاله انا اعرفه بس تعطيه الامان قال اعطيه

قاله ابوسليمان السالفه انك عزمت الربع كلهم الا انا واخذت بخاطرى وسويت لك الحياله

علشان انتقم منك وافش غلى ظحك ابوصالح وقاله انا غلطان واسمحلى تراه من غير

قصد وابشر لك عزيمه خاصه جدآ جدآ وتستاهل بس تقول لام صالح السالفه وانت وحظك

واسمحت ام صالح وصار ابوصالح اذا صار عنده عزيمه اول واحد يعزمه خويه ابوسليمان

لانه الحيله كانت قويه وبغت تغرب بيت الرجال

الفائده
انه بعض المزح والمقالب الثقيله ممكن تخرب ابيوت وتفرق اقارب وتشعل فتن
والواحد يعذر خويه او اخوه او قريبه (دور لاخويك الف عذر)مصيرك يبى يجى يوم لك وعليك __DEFINE_LIKE_SHARE__