ابتكار جديد شنطة للذراية والسكاكين والساطور وغيرها من تصميمي

[محروم.كوم]

السلام عليكم ورحمة الله
التصميم فصلتة قبل فترة ومرتاح معها ولله الحمد
وشفت بالمنتداء موضوع يسئل عن شنطة العدة قلت انزل اللي عندي لعل افيد فيها اخواني اعضاء ها المنتدى الرائع
صراحة يوجد شنط كيرة بالسوق لاكن مافية افضل من انك تفصلها على كيفك بالمقاس اللي تحتاجة ولا تكون ملزم بشي معين اما يطلع كبير او صغير فكل واحد رغبتة تختلف عن الاخر فما فية افضل من ان كل واحد يفصلها حسب العدة اللي تريحة ويستخدمها
في الاول كنت استخدم شنطة للذراية اعتقد انها موجودة مع اغلب الاعضاء

لاكن ما كنت مرتاح معها اول انا احب الذرايات القصيرة بحيت انها تودي الغرض مع مواقد العنكبوتات وتاخذ مساحة اكبر فذهبت الى مكان تفصيل الخيام وكان فية تصميم في راسي اللي طلع في الاخير مثل الصورة للاسف لم اجد تنزاني وجربت قوة تحمل الاشرعة عند المحل اغلبها تقطع بيدي ما عداء هذي النوعية الخضراء ما رضيت تنشق بيدي قلت يالله اخضر يدوم ولا بني ينقطع

اول شي غيرت المسكة او العلاقة بتفيدني اكثر على شكل وظعها بالعزبة وعلى مقاس الذراية اللي عندي بالظبط بدون زوايد ومع جيوب متعددة نشوف هنا ما وضعت فيها
الوجة الاول متكون من ثلاثة جيوب

والوجة الثاني من جيبين واحد كبير والثاني صغير


نبداء باخراج مافيها




من اليسار لليمين
الكرتون الاحمر اللي مع الساطور واخذ اغلب السكاكين
ساطور من السيف قوي وثقيل ولا يخيب ظنك
سكين ابو كلب منشار للبصل
سكين متعددة الاغراض اخذتها مع احد المحطات بقيمة بخسة 15 ريال طلعت تقول موس اذا حديتها كرفتها كرف العماء اخر مرة طلع فيها صداء بسيط بس غلطتي قشرت فيها سمك بالبحر ورجعتها بمويتها المالحة بالشنطة وطلع فيها صدى بسيط لاكن بعد استخدامها رجعت للمحطة وللاسف لم اجد متبقي الا حبتين واخذتها انصح فيها بشدة
سعر زهيد وموس حلاقة للي يعرف يسنها

والاخير عيدان شواء للطلعات الخفافية
نقلبها الان للجهه الثانية وحطيت فيها ثلاثة جيوب

نبدا باخراج ما فيها



ملقاط جمر واخر لتقليب الشواء
اما القطعة الاخيرة فمحبوبة الكل اسبانية وارد خوجة تبيض الوجة ما تردك ابد عجبني مقاسها الكبير فاخذتة للبيت ورحت اخذت مقاس اصغر للعزبة من اروع ما اخذت من سكاكين

للمعلومية قيمت الشنطة بالتفصيل 20 ريال
وهذا شكلها بالعزبة الصغيرة نفس مكانها وما اخذت حيز ورتبت لي السكاكين




اعذروني على ردائة التصوير بالجوال ومستعجل

الذراية راحت عن باللي بالتصوير بس اكيد الكل يعرفها
انتهى وفقني الله واياكم لما يحب ويرضى


تحياتي
اخوكم ابو ناصر

__DEFINE_LIKE_SHARE__