يقول من لا يروي سيفه يروح لم العرفجيه ترويه

[محروم.كوم]

السلام عليكم ورحمت الله وبركاته ...
هذي سالفه يقوله لي جدي الله يطول بعمره على العمل الصالح ناقله عن ابوه الله يرحمه ويغفرله....
يقول من لا يروي سيفه يروح لم العرفجيه ترويه

سبب مقوله المثل هذا قصه حصلت ببريده قبل توحيد المملكة حفظها الله من كل سوء
الي هي انه كان امير بريده يقاله فلان بن فلان العرفج والناس راضيه بحكمه وامارته .
وكان له ام وهو وحيده ماله الا هو ورافع راسه بار بمه بالحيل مرت سنين على حكمه والا فيه ناس من العليان يبون الاماره حاولو بكل الطرق لكن ما فيه فايده
مافيه الا طريقه واحده الاي هي يقتلونه , اجتمعوا وايدوا الفكرة وبدوا يترصدوله , ويجي ذاك اليوم وهم يذبحونه وتخلصوا منه براء بريده , واعلنوا انهم امسكوا الاماره وصار اكبرهم اميربريده .
مرت سنين على حكم العليان وام العرفج ما نست قتلت ولده وحيده وقامت تفكر وشلون تتنتقم تاخذ دم ولده منهم.
بعد عده سنوات كلاً تلهاء بدنياه ونسوا السالفه وقامت ام العرفج بعزيمه كبيره خاصه للامير واخوانه بمناسبه زواج احداء بنات الامير
وهي تحطهم في المجلس وكان ماليته بارود الناعم
(( لغم الله يكفينا الشر)):alarm: وهي تقلطهم على الغداء ويوم بدوا ياكلون وهي تثور بهم وهم من صيد امس (( كان عددهم سبعه ارجال سته ماتو كلهم واحد صار اصم ومعاق نص اعاقه )) وهي توه يبرد غليله وتاخذ دم ولده .
جدي وهو يذكر لنا السالفه يقول كنت اروح لسوق بريده محل القهوه وجلست الشيبان وكان واحد يجي شكله مبهذل وحوسه الله يعافيه ولا يبلانا هذا الاي بقاء من السبعه الرجال.

وهاذي سالفه من لا يروي سيفه يروح لم العرفجيه ترويه.
ان شاء الله تحوز على رضاء الله ثم رضاكم
وان اكون قد قدمت شي جميل ومفيد
تقبلو تحياتي...
سليمان بن ربيعان الربيعان

__DEFINE_LIKE_SHARE__