الحل الأخير لعزم وتفتفة باترول 4500 بعد معاناة وخسائر مستمرة ...!

[محروم.كوم]

السلام عليكم ورحمة الله وبركاته

أخواني أعضاء هذا المنتدى الطيب مكشات كل عام وانتم بخير

أحكي لكم التجربة هذي حتى لا تتعرضوا لما تعرضت إليه من تعب وخساير مع باترول القديم

قدر الله علي وشريت نيسان باترول 98 ومن يوم شريت الموتر وعزمه رايح فيها ويكتم ويتفتف وينتع والسرعة على الخط ما تتعدى 120 بعد دعسة الابنص على الآخر الصراحة موتر ثقيل وغثيث جدا ويصرف البنزين بشكل غير طبيعي، وسمعت أنهم يسمون الباترولات في الامارات من موديل 98 إلى 2001 (البطة) لأنها يالله تمشي، ركبت فيه قطع غيار متنوعة مافاد مغير خساير في خساير كرهت النيسان صراحة والباترول خصوصاً.

دخلت على منتدانا الطيب (مكشات) :f منتدى العلوم الغانمة واستنرت بآراء الخبراء الافاضل لمشاكل مماثلة والحقيقة أني أضع اللوم على نفسي لأن مشاكل العزم تختلف من سيارة لسيارة :redcar:وإن كانت متقاربة :BUTT1:

الاراء لمشاكل عزم الباترول الضعيف والتفتفة:
هناك من قال البواجي واسلاكها وهناك من قال طرمبة البنزين، وهناك من قال وزن بلوف، وهناك من قال حساس الهواء (منظم الهواء) وهناك من قال خرطوش الهواء، وهناك من قال (فلتر الهواء) وهناك من قال صفاية البنزين، وهناك من قال دبة الكنداسة (دبة البيئة) وهناك من قال تنظيف بخاخات، وهناك من قال تنظيف الثروتل بودي، وهناك من قال الكلتش والدسك وهناك من قال الكثير والكثير.

والحقيقة أن جميع الآراء السابقة صحيحة فأي مشكلة في أحدها قد يسبب ضعف العزم والتفتفة وبطء السيارة

رحت للعديد من الورش في الصناعية القديمة وصناعية العروبة وصناعية أم الحمام وصناعية العاصمة اللي في الدايري الغربي وخسرني الموتر خساير أثرت علي لأن بعض القطع ماتجي تجاري للاسف.:hot:
القطعه اللي يتوفر لها تجاري أشتريها صراحة.

غيرت التالي:

• البواجي وأسلاكها أصلي.
• صفاية البنزين.
• فلتر هواء تجاري.
• وزن بلوف.
• طرمبة بنزين تجارية ماهيب حقة بلاده صراحة سواها الفلبيني توليف حط لي مثل لي الغاز حق البيوت وفيش من عنده، وزاد التنتيع عقبها.
• كذلك تنظيف ثروتل بدي والبخاخات.

المهم شرحك سرى والموتر ماتغير فيه شي قلت يمكن الديلكو وزنت مافيه فايدة رحت شريت ديلكو مستعمل بثلث قيمة الجديد مافيه فايدة وزن بالمسدس. مافيه أمل.

الموتر بعد هالاصلاحات تدهور حالته الصحية وصار ياالله يجيب 90 كم دعسة على الآخر
والعزم عزم سيكل
رحمني الله ثم راعي المحل اللي اشتري منه قطاع الغيار وقال انت وش فيك رايح جاي انت وهالموتر اللي عيا يزين طبعاً قال لي (أيس فيه صديق أيس مسكل؟؟ ، شرحت له الموضوع وطلع باكستاتي أصيل روحني لشايب باكستاني في صناعية أم الحمام لقيت العالم عنده زحمه قال تعال بكره جيته بكره قال حط السيارة وروح أبدق عليك ..
المهم حطيت السيارة الصبح دق علي بعد المغرب قال تعال شيل سيارة قلت أيش فيه قال خلاص، أجي جربت الموتر لقيته ماشاء الله تحسن العزم وراحت التفتفة مع أنه لازال ثقيل وهذا طبع الباترول 98 ثقيل،،، المهم راحت الكتمة والبنزين لازال يصرف وقلت له وش المشكلة عيا يعلمني والله العظيم من هنا ومن هنا في الاخير اعترف وأخذ مني 300ريال بس يستاهل وقال أن اغلب اهل البترولات القديمة تصير عندهم هالمشكلة.

المهم وش تتوقعون السبب

هل تريدون نطرح لكم ثلاث خيارات مثل جورج قرداحي :j أم نستمع أولا لاجاباتكم؟؟؟ __DEFINE_LIKE_SHARE__