خبراء f150 يرجى الافادة..

[محروم.كوم]

الأخوه الكرام, قدر الله وشاء اني اشتريت هذا النوع موديل 2011, السيارة فيها قوه وسواقتها روعه ومن احلى مايكون, المهم في الموضوع اني بعد قطع مسافة 5000كيلو اخذت السيارة للوكالة لعمل التشييك الاول للسيارة بموجب الضمان, الجماعة في الوكالة غيروا الزيت وعملوا التشييكات وغسلوا السيارة وكلموني اخر النهار وقالوا السيارة جاهزة وتعال استلم سيارتك, وبعد ما استلمت السيارة ومسكت طريق حسيت ان السيارة فيها انتفاضه خفيه بعد سرعة 140ك وكذلك اختلاف في تبديلات القير خصوصاً عند بداية التحرك بالسيارة اي عند التبديل من واحد الى اثنين (القير تماتيك) وايضاً عداد البانزين في شاشة المعلومات عند امتلاء الخزان كان يعطي قراءة 780كيلو, وبعد التشييك صار يعطي قراءة عند تعبئة التانكي فل 646 كيلو..... السؤال هنا يا اخوان هل برمجة السيارة اختلفت ويبي له برمجة جديده؟ او ان العاملين في الوكالة ارتكبوا خطأ وبدلوا شي في السيارة ؟؟ في الحالة الثانيه انا ماعندي مشكلة, اقدر اخذ حقي منهم بالقانون ..... انا برجع السيارة للوكالة بعد العيد ومحتاج نصيحتكم....وشاكر لكم اولاً واخيراً وجزاكم الله خير. __DEFINE_LIKE_SHARE__