عسى ماأزعلتك البارح

[» βỊη άℓ đόόŁα «]

عسى ماأزعلتك البارح وزودت الجراح جراح

. عسى مامرة الدمعه على أهدابك من أسبابي

جرحتك من كثر شوقي وخليت الكلام رماح

. ولا أدري شلون ياعمري طعنتك حيل بعتابي

بدون شعور صدقني ترى كثر الغلا ذباح

. تعال وشوف بغيابك غلاك شلون سوابي

حرام تغيب من عمري وتعطيني الفراق وشاح

. حرام الدمع في عيني مناديله هي أهدابي

غيابك يشعل عيون الزوايا وأمتلي أشباح

. وأنا أنثر صوتك بقلب المكان وأشعل أبوابي

تلفت للأمل دام الرجا في عمري الملواح

. أناديلك .. ولوشرهة وصولك تقطع أهدابي


أبيك الجاي من عمري أنا ماأبيك شي وراح

. مدامك أجمل وآخر مدامك أول أحبابي

أبي أرتاح ياعمري أنا أدري هم تبي ترتاح

. تعال وقبل ماأفرح ترى تفرح بك ثيابي

أحبك يابعد عمرالحزن والجرح والأفراح

. أحبك كثر مانامت عيونك داخل أهدابي __DEFINE_LIKE_SHARE__