اكبر مــشــكـلة في مكشات...

[محروم.كوم]

السلام عليكم ورحمةالله وبركاته

وكل عام وانتم بخير

انا لي فترة طويلة وانا اتابع هذا المنتدى

الرائع لكن وجدت فيه مشكلة كبيرة مع اني

اشوفه من افضل المنتديات وهذي المشكلة

هي كثرة المشاركات اللي مثل غثاء السيل

بس سوالف ودردشة ولا بعض الاحيان

يتحول الموضوع الى سب وشتم وذا يحش

وذا يرد

لين صار اغلب المواضيع مافيها فايده كانك

داخل على شات هذي نقطة

والنقطة الثانية

هي

يوم يجي الواحد يطرح مشكلة علينا واذا

تأخر عليه الرد فترة بسيطةرجنا رج

بالعبارات

المعروفة_معقولة 10 مشاهدات مافيه ولا

واحد رد معقولة مافيه احد يعرف حل

لمشكلتي

افا يالمكشاتية ورا ماتردون و...و...و....

وخذ من ذا الكلام طبعا الخلق تتفاعل وترد

ودايما اكيد فيه واحد من المشرفين او

الاعضاء اعطاه الحل

وذا لقي الحل او صلح

المشكلة خلاص نسي الموضوع حقه نهائيا

مع انه من المفروض اقلها عرفانا للمنتدى

وللي ردوا عليه يعقب في نهاية موضوعة

ويذكر لهم وش صار معه وكيف كان الحل

وكم

كلفت الشغلة بدون حتى مايتعب نفسه وينزل

صور كان يكفي منه هذا الشي .........

عشان كذا

تعال

وشوف المواضيع بصراحة مافيه مشكلة الا

تلقاها مطروحة في مكشات حتى يوم تحطها

في الشيخ قوقل بس شوف المعلومة الناقصة

او بالاصح القصة الغير منتهية يعني تلقى

مشكلة معروضة بدون حل لها تخيلوا كل

مشكلة انحطت في منتدى السيارات كتب لها

حل

وش تتوقعون يصير في منتدانا اتوقع يصير

مرجع حتى لوكالات السيارات والمهندسين

حقينها ويكفي نخبة المشرفين اللي عندنا .

يعني باختصار لو خففنا من التعليقات اللي

مامنها فايدة +ذكرنا الحل في نهاية كل

موضوع طرحناه كان والله لتلقى كل الشعب

يستقى معلوماته من مكشات.

وذا ماصار خلاف الكلام ذا انا انصح بتعديل

اسم الخيمة من خيمة اعطال السيارات

واصلاحها> الي خيمة اعطال السيارات

فقط...

اسف على الاطالة وكل ماكتبته هو صادر من شخص محب لكم وللمنتدى

واتمنى تحصل الفائدة للجميع ...

مدمن مكاشيت

__DEFINE_LIKE_SHARE__