غيابـــك

[غلاك فـ قلبي]

على شط الاسى والهم..رسى بي مركب الاشواق..

اعاني غربه ايامي..والم في داخلي يرقا..

هبوب الحزن تلعب بي..وصدري بالعنا قد ضاق..
تهاوى حظي بعيني..محال اشوف له برقا..

اخبي داخلي لهفه..وقلب(ن)منكسر تواق..
اسلي حسي الميت..بقوله خافقي يسقا..

سقا الله خلي الغالي..عرفته في زمن مالاق..
لغير لعبره تخنقني..اعيش بذكرها وابقا..

احس بصمتها كلمه..تعذب خافقي المنساق..
تسولف لي عن احوالي..وكيف البعد والفرقا..

وترد بداخلي صرخه..انا كيف احتمل الفراق..
تعال استوطن جروحي..داويها وبها ابقا..

سنيني تنشدك فرحه..وحظ(ن)مايل مافاق..
اقاسي الجرح واهاتي..فبعدك وش انا بلقا..

تصدق شفت فغيابك..وسع هالكون بكبره ضاق..
اراضي الوقت ويجبرني..اسير بطاري الفرقا..

اصد بنظرتي وابعد..اخاف تبان بي الاعواق..
تعال وناظر بعيني..عيوني بالشقا غرقا..

دموعي ساكنه طرفي..تقول البعد ماينطاق..
تعال وكحل عيوني..بعينك ساعه الملقا..

تعال اضوي مسافاتي..وليل(ن)مايعرف اشراق..
تعال اسكن وسط قلبي..وطول العمر به ابقا..

انا وقتي ابيه وياك..اعيش الدهر لك مشتاق..
يهون الجرح بوجودك..ولاغيبه بها اشقا..

__DEFINE_LIKE_SHARE__