هذا ماحصل لي في محل كشتة في حفر الباطن

[محروم.كوم]

السلام عليكم

هالشواية تعبت ادورها الين لقيتها في محل كشتة بحفر الباطن بسعر 110 ريال علما بان في واحد من الاخوان كان عارضها بالمنتدى ب 250 ريال وحاولت اني اشتريها منه لكن طريقة التسليم كانت عقبة وانتهى موضوع البيع





عموما مو هذا موضوعنا

موضوعنا اني اشتريتها ب 110 ريال من حفر الباطن وقلت للبياع شوف الكرتون ان كان ناقص اي قطعه عشان لا اروح الكويت ويطلع شي ناقص فاكد لي انها كاملة لانه فحصها قبل التسليم

رديت للكويت وتفاجات انها ناقصه السياخ وقطع اخرى اضافة الى ان الموتور يلف عالفاضي واتصلت عليه قالي رجعها وباحجز لك الشواية المعروضه كونها اخر قطعه

جيته عقب اسبوع لاتفاجا برده السلبي ان الشواية البديلة مو موجودة والي يقدر يسويه فقط اني ارجع الشواية الي شريتها واسترد قيمتها، وقلته انا اتصلت عليك وانك وعدتني ان الشواية الثانية موجودة، قالي ماعندي حل قلتله والمشوار والتعب والبنزين والتامين للسيارة منو ملزوم فيه، قالي احنا اسفين، علما بان تكاليف الرحلة كلفتني اضعاف اضغاف سعر الشواية ولكن لاني رغبان بالشوايه تعنيت لها


بالله وين اصرفها اسفين هذي، خذيت فلوسي ومشيت

هذي قصتي مع محل كشتة في حفر الباطن علما بان اسعاره اغلى من المورد الرئيسي للسلع وهذا ما لاحظته

شكرا لكم __DEFINE_LIKE_SHARE__