المكان

[اسير العذاب]

المكان


خذ اللي تطلبه مادمت أخوي العـازم الجزام
لا كـن أن شفت دمعي شف لنا شي يسلينا
فتى أحلام هنـــا كان يتغزل في فتــاة احلام
خطفهــا بين حــور البحر وأغلاها من المينا
وجاب لها بســـاط الريح قالت للغـــلا قدام
ولا نحتاج يا مخلـــوق مخــــلوق يـــوصينا
أنا ذاك الفتى الصب وهي اجزل واكرم الاكرام
من اللي مــــد عمره صدق في أولـنا وتالينا
دقيقة من دقايق ها لمكان تساوي أمـــية عام
هنــــا ســــاعتنا ما كـــانت تلّحق ثـوانينا
هنا يا ما تعــاهدنا هنا يا ما غـــدينا خصام
هنـــــا يا ما تعـــــاتبنا هنـا يا ما تراضينا
هنا كـــنا نصيح وتحتوي صيحاتنا الانــسام
لطيفـــــة كنــــها لا من تجادلنا تهــــدينا
هنا كـــان الحمام يطير لا كـن لا وصلنا حام
يحسب أنا من السرب وهو اللي كان ناسينا
هنا طلنا حظن نـــجد وهوى الطايف وتمر الشام
وجوز الهند واعذب دجلة وسكر قصب سينا
مرقة من مكـــان الله يـــوم انا نجيه هيـــام
عطـــاشا جايعين وكــــان يطعمــنا ويسقينا
نجـــيه بلا هـــــدايا والخفايا حسبة الايتام
ونعـــود ابلا خـــــفايا والهدايا في مـخابينا

ولو ينــــطق تفجر به نهـر كله ذهب وانغام
وزم الفـــل والريحان والنــــرجس حــوالينا
نحـــبه كثر ما طشنا وقسمـــنا فضاه أقسـام
لما سينــــا واســــامينا وامـــانينا واغــانينا
كثر ما ضـــمنا وايامــــنا مــــاهي من الايام
ودنيــــانا شبر في شــبر تضحك بين ايادينا
علـــى وضح النقاء وضـــح النقاء اللـــي دام
وكنّ الكــــون باللي فيه مــــا والله يعــنينا
توادعنـــا ودعـــنا المكــــان وحارت الاقدام
ولا ملــــت شفــــاه افواهنا تــرديد أسامينا
الين الــــدمع طاح وطاح معه الشال والبسام
يا ليتك تدري بذيك الدقايق وش حصل فينا
وراءدمعتك سالت وانت اخوي العازم الجزام
أنا مــــا قلتلك دور لنـــــا شـــــي يسلـينا

شعر / ناصر القحطاني __DEFINE_LIKE_SHARE__