[ -|| . . { آحبـَـج يآ تـِـِرآب آهلـُـيے } . . ~

[» βỊη άℓ đόόŁα «]

السلام عليكم ورحمه الله وبركاته
السلام عليكم
شحالكم ؟؟
|| وَطنيّتـي . . { مِرْآةُ حُروفِي } . . ~
وان شاءالله تعيبكم وتنال اعجابكم ^^


واشنطن
في الشقه غرفة الطعام
بوشوق: فديتج السفره باجر انشاءالله ..
شوق: Any travel
بوشوق : شو بعد أي سفر ؟؟راجعين البلاد باجر و خبرت المندوب يحجزنا تذكرتين وزين منه حصلنا حجز
شوق: Fully gone back and forth due to safety
بوشوق: نعم ..تراج راجعه معايه باجر
شوق:Awallah impossible to .. I'm back I'm Taot the salvation of life in America
بوشوق: رمسي شرات ما أنا أرمسج على ما اعتقد انتٍ بنت عرب هب بنت أجانب .. صح اني تماشيت معاج أرد عليج ..
هب معناته اني اخذ وأعطي معاج بالانجليزي .. وملاحظ عليج هالشي
شوق: سوري دادي .. بس انا تربيت هنيه وخذت عادات وتقاليد وأسلوب حياتهم ومقدر اتأقلم بالهره الي انت تبغيها مني ..وبعدين دادي انت دكتور .. لاتكون معقد .. شوفيها يم نرمس بالانجليزي تراها لغة العصر ..وانت تعرف وانا اعرف ..
بوشوق: استغفر الله .. عشان جذيه لازم تردين بلادج وتتعلمين من هلج وناسج شو الصح وشو الغلط .. وكل الي انتٍ فاهمتنه غلط بغلط
والغلط هب منج .. مني انا شخصيا ..
وينش من الكرسي ..
شوق: دادي ..دادي ..
بوشوق: هلأ
شوق:أنا يوم انزل في الاجازه ما اتحمل ايلس اكثر من اسبوع في الامارت .. احس اني غريبه .. كيف بعيش دوؤوم..؟؟
بوشوق:اكد غريبه دام تجوفين انج أحسن من الكل .. حلو هالميزه بس هب دوم .. الناس مستويات سواء بالمادي او بالثقافه او في أي شي ..
شوق: الحينه غلط علي انا ..
بوشوق: لا فديتج الغلط مني انا .. من البايه ماعلمتج جذيه ..وليتني ماخذت اجنبيه وخذت بنت بلادي ..
شوق: يعني ندمان انك يبتني في هالدنيا
بوشوق: ندمان على الي سويته في حياتي .. ع العموم انا بسير أرقد .. وجهزي أغراضج بتسافرين يعني بتسافرين ..
شوق: دادي
بوشوق يقاطعها : من اليوم ورايج لاتزقرين جيه زفريني يا الوالد يا بويه .. غير جذيه هب راد عليج
شوق:ليت ماما عايشه ..
بوشوق:الله يرحمها ..اترحمي عليها .. قدر الله ماشاالله فعل .. يمكن هالشي في صالحج ..
شوق:أي صالحي .. شو هالكلام .. ههب منطقي .. انت تغيرت .. !! وكلامك كله غير هب شرات قبل
بوشوق:لاني بس الحينه وعيت من الغيببوبه
شوق:غيوبه!! ابوي ع الأقل اكمل دراستي الجامعيه هنيه .. وبعدين ارد
بوشوق:لااا .. بتكملين في الامارات .. اشكثر الجامعات هناك
شوق:بس هنيه أحسن
بوشوق: مارح تفهمين .. تصبحين ع خير
شوق مستغربه:Become the best .. The happy dreams
بو شوق يسير صوب غرفته ويهز براسه ويحرك اكتافه وفي خاطره: لازم كل شي يتغير لازم .. !!
مطار دبي الدولي
تنزل شوق من الطياره وبوها ماسك بايدها بكل حنان وابتسامه على شفاته ..
شوق تناظر المكان .. تناظر أرض بلادها .. بس حست بشي غريب في قلبها .. وفي خاطرها:
Why Dadi .. Impossible to live in the UAE
بوشوق: محلاج يا بلادي
شوق تناظر ابوها .. : هالكثر تحبها
بوشوق: شو يالسه تقولين شبلاح شوق ..هآي ارضج وأرضج أهلج واجداج
شوق: ...؟؟؟
بوشوق اضيج .. لأنه عارف ان شوق هب عايبتنها الامارات ..وفي خاطره :
مصيرج بتهوينها يا شوق .. وربي بتهوينها ..
في الاستقبال
القادمون
الضابط بابتسامه: الحمدالله ع السلامه
بوشوق يسلمه الجوازات عسب يختمهم :ربي يسلمك من كل شر ..
الضابط يناظر بشوق مستغرب من لبسها: ماشاءالله طولتوا الغيبه
بوشوق: ظروف والله .. وان شاءالله تكون اول واخر مره
شوق: لا .. بنرجع امريكا قريب !!
ضابط يسلم الجوازات وبوشوق ومطنش رد شوق: المؤؤؤهم رديتوا بلادكم تراها محتايتلكم ..
بوشوق: هيه والله .. محلاها .. صدق مستانس بردتي..
شوق مستمله من الكلام :اووف ..I'm tired of sleep needs
بوشوق: راح الكثير ومابقى الا القليل .. خليني نأأخذ الشنط قبل كل شي
شوق: If America .. They have service delivery Aelchent House
بوشوق: جم مره قلتلج رمسي عربي.. ماتفهمين .. ترانيه
طنشت اول مره مارح اطنش الثالثه !!
شوق: شوفيها .. تراك تفهمني ..
بوشوق: جدامي .. الرمسه الحينه ماتنفع .. عقب نتفاهم
ضابط : التطور في كل مكان هب بس بامريكا
شوق:انت لو عايش في امريكا .. ماكنت بتقول جذييه .. امركيا غير
ضابط: من قال انا عشت امريكا ارع سنين وكل دقيقه وانا هناك كنت اتمني بس لو اكون في ارضي بين ناسي واهلي
ع العموم الحمدالله ع سلامتكم ..
شوق: انت ليش ماتقبلت نقدي .. الدنيا أخ وعطا
ضابط: مسكينه .. انا خذيت بس انت ماعطيتي .. مره ثالثه اقولها الحمدالله ع السلامه
شوق مستغربه من البدايه جذيه .. الكل يضيج من كلامها واسلوبها ..
بوشوق يأشرلها وتسير صوبه .. وتلتفت خلفها واطالع الضابط ونظرته لها نظره شفقه ..
ويمشون ويسيرون صوب البوابه ..
في الاستقبال
حمد يسير صوب عمه ويحب راسه ..
بوشوق:حبتك العافيه يا حمد ..
حمد: الله يعافيك يا عمي .. عسى ماتعبتوا في الرحله ..!!
بوشوق: لا الحمدالله .. كل شي تمام .. الحمدالله أهم شي وصنا .. الغربه شينه والله
شوق مستغربه من المنظر وفي خاطرها : .. why kiss the head..؟؟ mmmmmmmm
شوق :hiحمد مستغرب من منظر شوق: عليكم السلام .. انت شوق
شوق: يس .. يو نو مي
حمد في خاطره: حسآفه يا بنت عمي .. حسآفة.. غابت وطنيتح .. لارمسه ولا لبس ولا أي شي .. الله يسامحك يا عمي
بو شوق يغير الموضوع: وعلوم أمك ونوف ربهم كلهم بخير
حمدالله: كلنا بخير ..
ويمشون ويسيرون صوب السياره .. وحمد يتخبر عمه وياخذ علومه وأخباره
شوق في خاطرها ليش هذا مارد عليها ولا خ وعطاها في الكلام .. :.. Shameless!
بيت بوحمد
يحدر حمد البيت ويعلم أمه ونوف بوصول عمه ..
حمد: حياك عمٍ ..اتفضل
بوشوق:السلام عليكم
ام حمد: عليك السلام .. الحمدالله ع السلامه
بوشوق : الله يسلمج يا ام حمد .. وعلومج
ام حمد : بخير يابوشوق .. حيآك حيآآك .. وينها شوق ؟؟
بوشوق يناظر يمين ويسار .. ماجافها !! أستغرب
حمد فهم على عمه : في السياره مانزلت ..
بوشوق: لو ماعليك أمر .. سير صوبها وقلها تنزل عسب تسلم ع خلتها وبنت عمها
حمد : ان شاءالله عمٍ .. وفي خاطره: بطرانه ع الفاضي .. اووووف
بوشوق يحدر الصاله .. وحمد يسر صوب السياره
حمد:شوق.. ابوج يقلج نزلي .. عسب تسلمن ع خالتج ونوف
شوق:why ?? I want because I am a prisoner of the White cumbersome
حمد: عربي لو سمحت
شوق: ليش ماتعرف انجليزي
حمد: لاااا
شوق : معقوله !!ابوي يقول انك مهندس !! ولاتعرف ترمس انجليزي .. الصراحه جهل
حمد مضيج في داخله : المؤؤؤهم حدري داخل .. يلأ ..
شوق مستغربه وفي خاطرها : Ignorant
حمد يسير صوب البيت .. ويلتفت ورى ويطالعها تمشي بهدوء ودلع وصوت الكعب عالي.. وفي خاطره: شو هآآآآآ .
.هذا الي تبغيني آخذها يا امايه .. مستحيل
ويحدر الصاله
بوشوق: شو صآر
حمد: يايه عمي ..
بوشوق: مشكور
شوق تحدر الصاله وبصوت كله دلع :Hi everyone
ام حمد مستغربه .. وتقوم من الكرسي تبغي تسلم عليها .. ونوف قامت من مكانها مع امها ..
شوق مشت وسارت لأقرب كرسي ويلست ..
ام حمد ونوف مستغربات من الحركه ..
بوشوق منحرج من حركتها..
حمد محرج ع الحركه ..
ام حمد تبغي تغير الجو: واخبار شوق ربج بخير يا بنتي
شوق : I'm fine
نوف: بتكملين دراستج هنيه ان شاءالله
شوق: Say
ام حمد ونوف يناظرن ببعض مستغربات من تصرفات شوق ..
نوف: قصدها تقول ان شاءالله
ام حمد: زين .. احسن شي سويتيه
بوشوق يغير الموضوع : ماشاءالله نوف خلصتي ثانويه عامه بنسبه عاليه ..شو ناويه تتخصصين ..
نوف: مدري يا عمي .ألين الحينه ماحددت شي .. كل شي في وقته حلو
بوشوق: والله حلو ..
نوف: شوق .. انتٍ في شو بتتخصصين ؟؟
شوق: Of course .. Dr. doubt
نوف: والله حلو ..
ام حمد : في شو تتخصص ؟؟
نوف: قصدها دكتوره .. امايه
ام حمد : الله يوفقج يا بنتي ..
نوف: دكتوره في شو ..؟؟ شوق:Certain wounds
ام حمد ما عيبتها رمسة شوق : عن اذنكم بسير اتمسح للصلاه .. البيت بيتكم ..
بوشوق: اذنج معاج ام حمد .. يلا حمد سرينا صوب المسيد
حمد مستانس لانه بيفتك من شوق : ان شاءالله عمٍ
قامت ام حمد وسارت صوب غرفتها ...
شوق: دادي .. شو بنم هنيه ..!!
بوشوق: هيه فديتج
شوق: why??
بوشوق بضيج: جم مره قلتلج .. ترمسين شراتنا .. وبعدين بتمين هنيه عند نوف .. شو بيلسج في البيت روحج
شوق: Normal
بوشوق بعصبيه وبصوت عالي: شوووووووووووووووووووووووق
شوق تناظر ابوها .. اول مره يصارخ عليها .. مصدومه من الموقف
حمد يهدي عمه : عمٍ هدي .. كل شي بالهداوه ..خلنا انسير نصلي عقب اتفاهم معاهاا
بوشوق وحمد ظهروا من البيت سايرين صوب المسيد ..
نوف يالسه تهدي شوق ..
عقب الصلاه
حمد : عمٍ الغلط هب من شوق منك انت شخصيا واسمحلي ع هالرمسه
بوشوق: والله اعرف .. واحاول اصلح غلطتي الحينه
حمد: هب بهالسرعه عمٍ .. يبغيلك وقت او معجره
بوشوق: صدقت
حمد يغير الجو: كل شي في وقته حلو ع قولت نوف ههههههههه
بوشوق: صحيح
غرفة نوف
نوف: شوق .. كلنا نعرف نرمس شراتج انجليزي .. بس مافي احلى من رمستنا
شوق: خلاص انا متعوده عليها .. وبعدين حمد مايعرف
نوف: ههههه ضحكتيني .. حمد مهندس ودارس في بريطانيا وعايش هناك كيف مايعرف يرمس؟؟
وبعدين حاولي يا شوق .. حاولي .. عشان خاطر ابوج ..
شوق مضيجه وفي خاطرها :اتجذب علي يا حمد : شبلاه ابوي .. مدري من وفاة الماما كل شي تغير
نوف: ابوج يبغي يردج ..
شوق: يردني انا معاه
نوف :يردج بنت البلاد ..
شوق: ليش ؟؟ شو فيني انا
نوف: طالعي لبسج وتصرفاتج تقولين وحده اجنبيه هب خليجيه ..
ام حمد تحدر عليهن ..
ام حمد: فديتج شوق تبيغين شي قبل ماترقدين
شوق: ثآآنكس
ام حمد تناظرها
شوق: قصدي مشكوره ..
ام حمد: العفو فديتج .. اذا محتايه شي خبري نوف تراها شرات اختج ..
شوق: آي نو
ام حمد بتعجب وتظهر من الغرفه .. وفي خاطرها: الله يسامحك يا عبدالله ..
نوف: الين متى ؟؟ صح احن نعرف نرمس شراتج .. بس هالرمسه هب كل وقت .. عند العيايز ..
عند الناس والعرب المفروض مانرمسها لانهم مايفهمونا ..
شوق: بليز نوف .. تعبت من هالرمسه .. انا ابغي ارقد
نوف: تصبحين ع خير
شوق تغطي عمرها باللحاف وفي داخلها خوف من العالم الي تجوفه .. وتفكييرهم البسيط والمحدود ع قولتها ..
في الصباح
الكل يالس في طاوله الطعام ويتريق .. تنزل شوق سايره صوبهم .. بلا شيله ولا حجاب وبيجامة نوم ..
أم حمد مستغربه من الي تجوفه ..
حمد ما انتبه في البدايه
شوق:good morning
حمد يلتفت صوبها ويناظرها وتييه صدمه .. وينش من مكانه: انتٍ بعدين معاج ..!ويظهر خاري
شوق مصدومه من الحركه .. وهزت اكتافها ومتعجبه !!
نوف: شوق .. شو هاااه
شوق: شو السالفه .. فيني شي !!
نوف: كيف ظاهره وانتٍ جذيه
شوق: عادي !!
نوف تصرخ: عيب .. عب .. عيب .. ولد عمج يطالعج وانت ٍجذيه
شوق: شوفيها
نوف تصرخ بصوت أعلى : فيها أشياء .. ولد عمج محرم عليج .. يعني عادي يتزوجج
شوق: شو هالتخلف ياربي
ام حمد تيود بايد نوف : لحظه يا بنتي .. واتسير صوب شوق وتيود ايدها : شوق انتٍ مسلمه صح
شوق: sure
نوف تبغي تتكلم وتسكتها امها
ام حمد: رمسيني شرات ما أرمسج
شوق: أكيد .. ديانتي شرات ديانه دادي
ام حمد: الاسلا ممحرم هالشي .. كيف تخلي ولد عمج يجوفج بلا حجاب وبلا لبس محتشم ..
شوق منزله راسها ومنحرجه: بس عادي .. ماما ربتني جذيه
ام حمد: الله يرحم امج .. بس ها غلط .. وانتٍ بنت عاقله وفاهمه صح
شوق: صح
ام حمد : يعني عارفه الي سويتيه غلط
شوق: ...
ام حمد: عاذرتنج يا بنتي بس الواحد يصلح اغلاطه هب يزيدها .. بما انج اماراتيه .. عاداتنا وتقاليدنا وديانتنا تقول الي انتٍ تسوينه غلط في غلط ..
شوق:...
نوف : آآسفه شوق صرخت عليج
شوق: لا عادي .. احس عمري ضايعه يا نوف .. هب فاهمه اي شي .. احس كل شي غير .. فهموني
وتقوم ام حمد تلوي على شوق ولأول مره تحس بالامان .. من بعد وصولها للامارات
شوق: أأخ يا خالتي .. وآآيد محتايه لحضنج ..
ام حمد: فديتج كلنا عندج
في السياره
حمد مضيج ع شوق .. وعلى اي سوته .. آآآخ يا عمٍ .. كله منك .. وكله تفكيره بشوق .. وكيف وليش؟؟
وشوي يجوف جدامه شاحنه ماعرف كيف يسيطر بالسياره .. لآلآلآلآلآلآلآلآلآ
في المستشفى
شوق تناظر بنوف وامها وكيف الدموع ع خدودهم والخوف على فقدان حمد في عيونهم
وجافت عالم وناس سواء من هله او ربعه .. كيف متجمعين وخايفين انه يغيب عنهم او يفقدونه
شافت عالم ثانٍ هناك .. كل واحد نفسه بنفسه ..
وهنيه لاا .. حياتهم غير .. في جمعه ولمه
بس جم يوم وانا هنيه وأشياء وآآيد عرفتها .. محلا لمتهم
شوق ماقدرت ترمس باي كلمه ..
وبنفس الوقت خايفه على حمد !!
مستغربه من نفسها .. ليش اخاف عليها ؟؟ اصلا هو مايعاملني اوكيه ؟؟ بس ولو هذا ولد عمي ؟؟
ياربي .. مايصير فيه شي .. !!
ويظهر الدكتور من الغرفه
بوشوق يسير صوب الدكتور ..: بشر دكتور ان شااءلله الولد بخير
الدكتور: اطمن يا الوالد .. الريال بخير .. بس مجرد كسور بسيطه لا اكثر ولا اقل ..
يبغيله اسبوعين راحه .. وان شاءالله بيكون كل شي تمام
ام حمد ترفع ايدها: الحمدالله .. الحمدالله ..
شوق مستغربه من حركت خالتها ..
نوف ابتسمت وسارت عند الدكتور: ممكن نجوفه
الدكتور : طبعا اختي
نوف وام حمد سارن صوب غرفة .. وبوشوق سار وراهن .. عسب يطمن عليه ..
شوق بكل دلع وتوجه الكلام للدكتور: Hamad is fine now
الدكتور مستغرب ليش ترمسني انجليزي: قلنا بخير ..
شوق:The fact that I am Dr. .. So many beautiful career
الدكتور : هب دوم .. ع العموم الحمدالله ع سلامتك اخوج
شوق: Not my brother .. You Emirati true .. From your words
الدكتور: ولي الفخر اني اماراتي ..
شوق:OK .. But why do not you speak English
الدكتور: لاني هب محتاج ان أكلمها الا للضروره .. وانا مارح اطمس هويتي الامارتيه .. عسب المظاهر .. شرات وآآيد ناس
شوق: ahhhh
بوشوق يزقر ع شوق ..
شوق: yes , I'm coming
الدكتور: انتٍ اماراتيه صح !!
شوق: هيييه
الدكتور: ليش تقولينها جذيه ...؟؟
شوق: عادي .. يعني كيف تبغيني اقولها ..!!
الدكتور اضيج : عن اذنج وراي شغل
شوق متعجبه من كلام الدكتور وبكل برود: ok
الدكتور يمشي وبخطوات سريعه وفي خاطرها أشياء واشياء .. : جيل آخر زمن .. وهب عارف شو الاسباب الي خلت هالبنت بهالحاله ..
شوق تلتفت وراها وتجوف نفس النظره الي جافتها ع الضابط البارحه نظره شفقه .. واتسير صوب غرفه حمد عسب تطمن عليه .. وفي بالها تساؤلات ..
تحدر شوق الغرفه: الحمد الله ع السلامه
حمد يطالعها وفي خاطره :يايه بلا عباه استغفر الله الين متى بتم جذيه: الله يسلمج ويجلب راسه لللطرف الثاني ..
شوق استغربت من الحركه والنظره .. نفس النظره الي طالعها الضابط والدكتور .. شو السالفه ؟؟ شو الموضوع ؟ ليش يعاملوني جذذيه ؟؟
حست عمرها انها هب مقبوله بهالمكان
شوق: بويه .. تعبانه ابغي اسير البيت ممكن !!
بو شوق: الحينه واصلين بس
شوق: مدري احس بتعب
بوشوق:انزين فديتج .. يلا حمد بسير اوصل الريم البيت وبرجعلك
حمد: لا تعب عمرك عمٍ امايه ونوف هنيه
بوشوق: لا تعبك رآآحه يا وليدي .. ماتبغون شي
ام حمد : ربي يسلمك .. ويطولنا بعمرك
حمد: مشكور يا عمٍ
وتظهر شوق وبوشوق من الغرفه .. وفي بال شوق تساؤلات وآآيد ..
في السياره
هدوء وصمت ..
شوق:عنندي سؤال بويه ..
بوشوق: آآآمري فديتج ..
شوق: ليش الناس تعاملني جي .. من أول ما وصلت !!
بوشوق: مايعاملونج الا كل خير ..
شوق: لاا بالعكس الكل عاملني بطيب ورحب فيني .. بس قصدي نظرة الضباط في المطار والناس والدكتور وحتى خالتي ونوف .. وكملها حمد !!
شو الغلط الي فيني !!
ابغي حد يفهمني ؟؟
حبيت اتأقلم معاهم وهم ماقبلوني ..
وتدمع عيون شوق
بوشوق: أي نظره فديتج
شوق: مدري أحسها نظره شفقه
بوشوق: انتٍ شو قاصرنج عسب يطالعونج جيه
شوق: هذا الي قاهرني حالي من حالهم ويمن احسن عنهم ..
بوشوق: بس ناقصنج شي !!
شوق: شووو؟؟
بوشوق: ماعندج هويه !!
شوق: كيف !! هب فاهمه شي بويه فهمني أكثر !!
بوشوق: فديتج .طالعي حولج .طالعي حمد .أول ماجفناه لابس كندوره وغتره وعقال واليوم لابس كاجوال
يعني مجرد تغير
بس عمره ماتفاخر وقال انا مهندس وانا وانا دارس برع ويرمسهم أجنبي .
شوق: صح .. حتى قالي انا ماعرف انجليزي وطلع يعرف !!
بو شوق يكمل وهب مهتم بلي قالته :عندج الناس الي يداومون في المستشفيات والمطار واي جهه
تراهم عندهم شهايد وخبرات والاغلبيه دارس برع .. سواء بنات او شباب بس عمرهم ما اخفوا هويتهم الاماراتيه لانهم يفتخرون بهالشي
شرات الضابط الي جفناه في المطار .. والدكتور الحينه .. كانو يقدرون يردون عليج !! بس اخلاقياتهم ماسمحتلهم بهالشي
شوق :....
بو شوق:وعندج نوف ماشاءالله عليها دارسه بمدرسه اجنبيه بس مافاخرت ورمستك شرات ماترمسينها ولا عقت العباه والشيله وخلت عمرها
فرجه للي يسوى والي مايسوى ..
وناس وناس بعدج ماعرفتيهم وبتنصدمين يوم بتجوفيهم ..
شوق تقطع رمسة ابوها وكلها دموع: احس انهم غلط وانا صح
بوشوق: لان هذي غلطني هب غلطتج .. خليت امج تعرفج ع عاداتهم وتقاليدهم.. ولا افتكرت لها اليوم
شوق تبكي بكل حراره ..
شوق: بويه ليش ماعلمتني الصح ؟؟؟ ليش؟؟
بعد مضي عام تقريبا
2-12-2005
شوق: خالتي .. خالتي


وتنزل من الدري واتسير صوب الصاله ..
شوق: وين الدخون ؟؟ شو سالفتكم ماتبغوني ادخن ول شوو !!
ام حمد: فديتج والله .. محلاج ومحلى هاللبس عليج
شوق: صدق .. حلو علي خالتي !!
نوف تحدر الصاله
نوف: واااااااااااو ... واووووو .. من زمان خاطريه اجوفج .. لابسه عباه واخيرا تحقق حلمي .. تجنن عليج
ام حمد: ولي ماشاءالله
نوف : ماشاءالله هب حاسدتنهااا تف تف تف
ام حمد: هههههههههه
شوق: هههههههه .. لاتخلوني اهون واعقها
ام حمد: تهون عليج
شوق:مستحيل .. ^^
حمد يحدر عليهم : احم احم
ام حمد: دش يا حمد محد غريب شبلاك
حمد مستغرب .. يتقرب اكثر ويلاحظ ان هآآآي شوق هب غريبه ..وفي خاطره: وااي فديتها محلاهااا .. : السلام عليكم
الكل: وعليكم السلام
حمد: ماشاءالله وين سايرين
نوف: تدري اليوم محتفلين بالعيد الوطني في فندق برج العرب وكل الطلاب والطالبات المتميزين حاضرين الاحتفال ..

حمد: زين زين ..



شوق ساكته .. حمد مستغرب من سكوتها ..وفي خاطره: آآه اشكثر انا مشتاق لج يا شوق .. سرتي العين وخليتينا .. بس في هالسنه تغيرتي وااايد


نوف : تدري ان شوق ممثله لجامعه الامارات العربيه المتحده ..
حمد بمصخره: صدق !! معقوله !! اخاف تتكلم انجليزي يوم تلقي الخطاب
شوق: مشكور يا ولد عمي .. وتظهر من الصاله
نوف: حرام عليك .. جرحتها
حمد: هب قصدي والله!!
ام حمد: قوم استسمح منها قبل ماتسير .. لاتكسر في خاطرها .. تراها زوجة المستقبل
حمد: صدق امايه ..
ام حمد: هههههههه ماسرع .. اترياها بس تخلص الجامعه ونخطبها لك
نوف: وااااو .. بلبس فستان

حمد : هذا الي هامنج هااااه
نوف: هيييه .. انزين قوم يلااا سير قبل ماتركب السياره وتروح ..
حمد: هيييه صح ...
ويمشي حمد بخطوات سريعه .. ماحصلها جدامه .. التفت يمين ويسار ماحصلها .. سار صوب الباب وحصلها يالسه ع الدريه

حمد: شوق
شوق بدون وعي: لبيييييييييييه
حمد: لبيج في منى .. محلى اللبييييه منج ..
شوق مستحيه ومنزله راسها
حمد: آآآسف..
شوق: انا آآسفه ع الي سويته والي قلته .. كنت هبله .. غبيه .. ماعندي سالفه
حمد: اوب لا تغلطي على عمرج
شوق استانست
حمد: بس كنت ٍهبله ههههههههه
شوق: لا والله
حمد: شو الي غيرج شوق ؟؟ ممكن أعرف !!
شوق: مدري أو ما ييت الامارات ييت غصب عني هب برضاي وكنت كارهتنها للأسف.. وابوي يقولي بتهوينها .. واقوله مستحيل
بس كلامك معاي واسلوب غيرني ..
حمد: كيف!
شوق: ببساطه محتفظ بعاداتك وتقاليدك مع انك دارس بارع هب في الامارات .. هب بس انت .. وايدين دون كر الاسماء ..
حبيت جمعتكم .. حبيت خوفكم لبعض .. حبيت كل شي فيها .. كل شي فيها غير ..
حتى الغريب يخاف ع سمعة بنت بلاده .. ويغار عليها
شواقولك لأقولك .. والسنه الي عشتها في العين ..
بعد غيرتني أكثر وأكثر ..
حمد: المؤؤهم انتٍ مقتنعه بهالشي
شوق: أكييييييييييد
حمد : يلا قومي وسيري للاحتفال عسب لاتتأخري عليهم ..
شوق: اتريا نوف
حمد: الحماره ماقالتلي .. هههه .. قالت اربع سير صوب شوق قبل مااتسير
شوق: يعني قصت عليك
حمد: شفتي كيف هههههه طلعت مقصه ..
شوق وحمد ضحكوا بصوت عال ..
برج العرب
قاعه الاحتفالات
شوق: خايفه
نوف : فديتج لاتخافين .. انت قدها
شوق: متأكده
نوف: شووور
شوق: شو شور بعد هههههههههههههههههههههههههههههههه
نوف: حركات انتٍ .. اقول شوق هب ندمانه انج درستي في جامعه الامارات .. هب الجامعه الامريكيه
شوق : مينونه انتٍ .. الحمدالله اني درست هناك ..
علمني وآآيد اشياء ..
ويه دور شوق عسب تلقي كلمة جامعه الامارات جدام الحضور والزوار
شوق متروعه في البداية وتمت ساكته بس يوم جافت ابوها :
صباح يجمع القلوب بوحدة العزيمة والايمان
هاهى شمس جديده تشرق علينا تعلن ولادة يوم غير عن باقى الايام
يوم غير مجرى حياة دولة وشعب وبلاد إنــــه
الثانى من ديسمبر من عام الف وتسعمائة واثنين وسبعين
تاريخ من سجلات الزمن حفر باعماق قلوبنا ومناسبة غاليه على كل من عرف الامارات واهلها او تربي وترعرع بها
احتفالنا اليوم بالذكرى 37 لقيام دولة الإمارات
إنما هو احتفال يجسد الالتزام الصادق بمسيرة الحب
التي تجمع بين مجتمع الأسرة الواحدة والقائد
صفحة مشرقة في التاريخ ،
وليس تاريخ الإمارات فحسب ،
فهذا اليوم يمثل بداية مسيرة النهضة الشاملة في البلاد
والبداية الحقيقة لقيام دولة الإمارات ونهضتها
والمنعطف الأساسي في حياة شعب الإمارات، فقد اكتسب يوم
2 / 12 / 1971م أهمية من خلال هذا الحدث العظيم الرائع
واسترشادا بقول صاحب السمو رئيس الدولة الشيخ خليفة بن زايد آل نهيان حفظه الله
"إن من لا هوية له، لا وجود له في الحاضر، ولا مكان له في المستقبل"
*ووتتذكر كيف ماكانت عندها هويه .. وحست بالغربه .. واقدرت تتعايش في الحاضر ..
يصفق الحضور .. تكمل شوق كلامها ..
إماراتي .. إماراتي .. إلين الموت .. إماراتي .. إماراتي .. بعالي الصوت
إماراتي .. معي أغلا من الغالي .. إماراتي .. بقلبي حبها منحوت
إماراتي .. إماراتي .. ظلال الراس .. إماراتي .. إماراتي .. و أنا مبخوت
مع الأفلاك لي من عزتي هامة .. إماراتي .. براس الشامخ المنعوت
إماراتي .. بجوي و بري و بحري .. لي الأقدام عني ما يفوت الفوت
إماراتي .. إماراتي .. و صوتي صوت .. إماراتي شجاع و لا أهاب الموت
بهذه القصيدة الإماراتيه الرائعة أبدا .. ابدا بكلام و رأسي مرفوع الهامة عاليا
بكلام أقوله و أنا كلي ثقه .. و عزة .. و كبرياء ..
اقول احبج اماراتي
اتقدم باغلى الحروف التى لن تفي بحبي وعشقي لذرات وطن اعطانا الكثير ولم نقدم حقه
كل عام وانت ياوطـــنى بعزة وصمـــود وحماك الله من الشـــرور
وكل شيوخنا وحكامنا بعافيه وصحه وتقدم واتحاد
والى كل من حب الامارات وعشق ترابها ..
وكل من راها عن بعد واحبها
واول وانا بكل فخر بما اقوله :
لبيه يا ارضي .يا ارض بلادي .يا ارض اجدادي .يا ارض احفادي واحفادي
يكفي ان بويه زايد تحت ترابج يا بلادي .
{زايد رحمة الله عليه الله يرحمك يالغالي فديتك وربي
كنا نتمنى انك من بينا وتشاركنا بالافراح يابونا وهذا قدر ومكتوب علينا نحن جميعا
ربي يرحمك ويغفرلك ويسكنك ف فسيح جناته يابويه~
اهنئ سيدي صاحب السمو الشيخ خليفة بن زايد آل نهيان رئيس الدولة القائد الأعلى للقوات المسلحة "حفظه الله "
و صاحب السمو الشيخ محمد بن راشد آل مكتوم نائب رئيس الدولة رئيس مجلس الوزراء حاكم دبي ،
وكل حكام الامارات وشيوخها بهذا اليوم الذي نفتخر به .
واهنئ عمداء ودكاتره واستاذين ومرشدين وطلاب وطالبات جامعات الامارات
وشعب الامارات الحبيبه والمقيمين فيها بهذه المناسبه وكل عام وانتم بخير
اللهم اجعل هذا البلد آمنا مطمئنا وسائر بلاد المسلمين
اماراتي ... وطني ... هويتي
ودموع تنزل سواء من شوق او الحضور ..والكل يصفق ..وتناظر يمين ويسار وتجوف ابوها يصفق بكل فخر .. ونظرة الفرح في عينه
وبين الحضور الضابط والدكتور وحمد طبعا .. والكل يصفق لها احترام لوطنيتها ..
وثباتها ..
فاطمه: منو هآي امايه .!!
ام عبدالله: منو تتوقعين
فاطمه: مدري .. ليتني أنا هآآآي
ام عبدالله: ليش لأ ؟؟
المؤهم لاتخفين هويتج وتحافظين عليها ..
حمد يحدر الصاله وفاطمه تربع صوب ابوها
حمد: شو يالسين تسوون
فاطمه : ماشي امايه تخبرني قصه .. وحده ..الخ
حمد: ربي يطولنا بعمرها
ام عبدالله منزله راسها
فاطمه: ليش ابوي انت تعرفها ..
ام عبدالله تغير الموضوع: يلا سرنا صوب .. ابويه انسلم عليه .. ونعايد عليه
بو عبدالله: ان شاءالله .. وينه عبدالله
ام عبدالله : يالس عند بويه
بوعبدالله: اكيد شايل اسمه


ملاحظه مشكوره لكل من رشحني وفوزي في المركز وحصولي على المركز الثاني وان شاءالله ش تعيبكم القصه .. !


T.H.E.E.N.D ].. آذآ قـآلوآ :- آمـآـآرأإتيے .
آح ـبـًج وآفـَـَخر بـ~ " آصلـَي "


شورايكم ف القصة


منقوول __DEFINE_LIKE_SHARE__