" في راس رجمٍ منفرد شرق ماوان "

[محروم.كوم]

#poem_4caae2201d93c td {font-family: Tahoma, Verdana, Arial, Helvetica, sans-serif;font-size: medium;font-weight: bold;} في راس رجمٍ منفرد شرق ماوان عدّيت وهموم الليالي تهاوى وحيد ماعندي من الناس خِلاّن غير الطيور اللي تجرّ الغناوى بعض العرب مرتاح باله وهنيان عن سجّة دروب الرخا مايلاوى يبيت متهنّي وانا ابيت شقيان الله لكم ياهل القلوب الشقاوى ماشافني في ليل ساحوق سهران ملهود وذياب الحميمه تعاوى من غيبة النجمه الى وقت الاذّان وانا ونومي ساعةٍ ما انتخاوى في وسط جوفي للشقا ألف عنوان ترفّ بي رفّ الطيور النداوى لا قمت اصدّرها تعود و تبلاّن كن بيننا ثارٍ قديم وشكاوى لكن عسى اللي ورّث القلب الاحزان يحنّ من بعد القساوه وياوى هو منوتي من بدّ دعجات الاعيان وهو الحقيقه والبقيّه دعاوى معطيه ربي من الحلا دون نقصان لما تكامل بالجمال وتساوى اشتاق له شوق الجلاوي للاوطان لو كان ساكن بالضلوع الحناوى قولوا له اني لشوفته حيل شفقان كل يوم اجدّد ذكريات الرجاوى متى يواصلني عقب طول هجران متى يداوي علّةٍ ما تداوى __DEFINE_LIKE_SHARE__