واحد اول مرة يشتري سيارة(طريفة)

[محروم.كوم]

<div><div align="center">اخواني اعضاء منتديات مكشات

السلام عليكم ورحمة الله وبركاته

اول موضوع لي اضعه بين ايديك وهي قصة طريفة جدا اتمنى ان تنال اعجابكم

<font face="century gothic"><font size="5"><font color="navy">هذا الله يسلمكم واحد توه متزوج الثانية بنية فطفوطة على ام عياله الكبيرة ، هذا الكلام على ايام الهافات او بداية وصول السيارات للملكة المهم الرجال قرر يشتري سيارة وفعلا راح للرياض وقعد يدور سيارة طبعا يبي فورد ونيت تعرفون ذيك الايام ! وكل مالقاء سيارة واعجبه منظرها الخارجي سأل راعي المعرض هالسيارة بكم عاد يقوله راعي المعرض هذي بكذا وهذي بكذا وهذي مجفدة وهذي تبي تجفيد وهو مايرف وش تعني مجفدة (وهي تعني موظبة) المهم لقاء واحد من ربعه بالصدفة وكان هذا الاخير سواق !! وين يلقون السواق؟! مثل الطيار هالايام !! المهم قاله انا ابي سيارة وعلى شرط تكون مجفدة !!وتمسك بريك وحنياها مشبرقة وعليها شراع شوف المواصفات !! الموهم رفيقه ماقصر شراله سيارة حسب المواصفات المطلوبة وراحوا لديرتهم وقعد يعلمه السواقة واذا اقبل الليل راح لاهله وترك السيارة عند رفيقة واليوم الثاني الفجر وهو محضر ونزل الله يكرمكم النعول وقعد يسوق لانه مايعرف يسوق بنعاله اعزكم الله ، ويوم مضاله اسبوع قال خلاص انا هالحين سواق وابي اروح على سيارتي لاهلي قال الله معك وراح لاهله وجاك وقف الونيت عند بيت البنية والعجيز تعاين منقهره !!ويوم تقهوى وانبسط والله ويقوم قال للبنية اركبي معي اوريك كيف اسوي بالسيارة وتقوم البنت وتركب ويمرون العجيز وتقعد تفرك يدينها وتلعن وتطعن !!الموهم ويروح يقعد يالفلف ويهايط ومسوي نفسه شوماخر على غفلة ويوم جاك راجع للبيت من قو الهياط اسرع شوي ويوم صار قريب من البيت نسي كيف يوقفها !!وقعد يعاين في رجوله والدعاسات !!ومن قو الربشة ويدعس على البنزين ! وتعرفون الفرود الاوله كيف قومتها قوية وتفز وتربك السواقين الغشمان او الجدد !!والله مادرى الا قد وصل البيت يبي يسوي شئ ماقدر !!والله ويقش بيت البنية وكان فيه حمار اعزكم الله مربوط في طنب البيت ويقيش خضيّر معه ويسحبه مسافة ويقف الموتر وجهه يروح الوان خجلام من البنية ويدور عذر واخيرا يقول السبب اني اسوق بنعولي !! __DEFINE_LIKE_SHARE__