أبشركم شفت فروق القميري اليوم في شعبان الرمحية..وصادفت طــائر غريب***

[محروم.كوم]

اليوم شفت نفسي فاضي قلت ليش ما أروح اوسع صدري في البر..
لا..ولقيتها فرصة لأن كان في رأسي موضوع من زمان ودي أنفذه وهذا الموضوع يتطلب صور وبتشوفونه قريب إن شاء الله..

أخذت كامرتي وبعض الأغراض الخفيفة ورحت لشعيب الرمحية..
تدرون وش صادفت اليوم..
صادفت كب قميري في الرمحية اليوم الصبح ..
وشفت راعين جيوب يطردون (فرق) ماهو واجد والرمي مستمر..
الله من زمان ماشفت الفروق للقميري..
سبحان الله شفتها اليوم..المهم انا مامعي مامعي بندق ولا نبيطة مامعي الا كامرتي..وبصراحة الرمي اليوم ياكثرة والشباب اكيد انبسطوا اليوم في شعيب الرمحية..

إحترت الشمس بعد ما صورت بعض الصور اللي أبيها دورت لي طلحة أبي أريح تحتها ولقيت ذيك الطلحة يحبها قلبك زينت المهيلة تحتها ..
وكان جنبي ناس يصيدون دخل لكنهم مايجون للطلحة اللي أنا فيها..
صارت بعض الطيور تجي للطلحة اللي أنا تحتها وتبقى فيها لأنها ماتسمع صوت البنادق عندي ولا فيه عيون تراقبها تنفر الطيور..

المهم..
شد إنتباهي بعض الطيور ..
فبعض هذه الطيور بعدما تصل للشجرة اللي أنا فيها وتشعر بالأمان كان بعضها يبادر بالنوم فهي مرهقة جداً.. فالكثير من القنوص لايعرف ان هذا الطائر الصغير يطير منذ أن تغرب الشمس حتى إنبلاج الفجر لليوم الثاني..
يعني كل الليل وهو يطير فشيء مؤكد هذا الطائر يحتاج للراحة والنوم ولكن هيهات هيهات..أعتقد بياصل أوربا مانام...

إخواني في الشجرة اللي كنت اجلس تحتها بعض الطيور اللي نامت وكان نومها كنوم أي طائر آخر ...

ولكن لفت إنتباهي أحد الطيور في طريقة نومه فهي غريبة بالفعل..
هذا الطائر هو أحد أنواع الدخل يسمى عند البعض(أصـفر عين)

فعندما إختار المكان المناسب للنوم ..قام بنشر أحد جناحيه وضم الآخر..
فغط في نوم عميق وبلا حراك ولمدة تزيد عن النصف ساعة وهو على هذا الشكل...
فسبحان الله..

سؤالي..
وش تتوقعون السبب اللي يدفع الطائر لهذا التصرف...
فمن المؤكد أن هذا الطائر لايقوم بهذه الحركة عبثياً أو للتسلية..

أنا أتوقع والعلم عند الله أنها ربما للتمويه ..أو لحفظ التوازن للطائرأثناء النوم..
أو بمثابة إنذار مبكر كالرادار يلتقط ذبذبات خاصة لأعداء هذا الطائر في الطبيعة..

والأكيد يعلمه من خلقه وخلق كل شيء سبحان لا اله إلا هو الحي القيوم..
*
الصــور
*
ولأكثر من نصف ساعة بهذا الشكل.. وبلا حراك..
*

*
*
صورة أخرى مكبرة للطائر وهو يغط في نوم عميق..
*

*
*

في أمان الله..

الروقي

__DEFINE_LIKE_SHARE__