مشكلة عويصه لتاهو

[محروم.كوم]

السلام عليكم

صباح / مساء الخير

كيفكم شخباركم

لاهنتوا بغيت فزعتكم معاي في مشكله ما عرفت لها حل

بداية القصه :

شريت لي تاهو 2007 و كان ماشي 64 الف فقط

اول ما شريته طلعت عليه مشوار من الحسا لين الدمام

وكانت سرعتي 190 -180 و كان على احسن حال

وفي طريق الرجعه كانت سرعتي 140 - 130 check engine

واحنا نمشي طلع لي لمبة (check engine- فحص المحرك)

ومعاه لمبة التركشن

واحنا كنت قبلها انا كنت احوس بالحبات إلي تحت الثلاث

التركشن و الحساسات و زر الدعسات

وصارت المكينه ماهي صافيه و في اول تبديله للسيارهـ

تدق بقوهـ

رحت لكذا ورشه في الاحساء وقالوا لي هاذي يبيلها توضيب او تغير مكينه

لانه عندي سلندر رقم 4 ما يشتغل

وفتحت المكينه وغيرت البلوف و جلد البلوف و الشمبر و قالوا لي السبايك

ما يحتاج تغيرها

وبعدها شغلت السيارهـ ونفس الشي ما تغير فيها شي

ووديتها لوكالة الحسا وارسلوني على وكالة الدمام وقالوا هاذي توضيب

وصادف اني رحت لورشه بالدمام ونزلنا برجمه جديدهـ على السيارهـ ولا تغير شي

غيرنا اسلاك البواجي و البواجي ولا تغير شي

فحصنا السيارهـ من كويلات و بخاخات ومافيها شي

وهاذي الورشه قالت لي هذا من البلوف لازم تغيرها

قمت وبدلت الراس كله و صحيح اول ما شغلناها السيارهـ كانت تشتغل

مثل الساعه مافيها شي والانوار راحت وكل شي وطلعت امشي عليها

وكانت سرعتي 120 -100 وبعد ما يقارب 7 كيلو

ترجع نفس المشكله وعجزت ما اعرف شنو اسوي

ويا جماعة الخير تكفون كان تعرفون شي ولا طريقة ولا احد واجه نفس هالمشكله

وغير ولا بدل شي ولا فاد معه تكفون يالنشامه علموني

ترا والله كلمة اطلعت روحي اشوي

واتمنى مساعدتكم
وآسف على الإطاله

شكراً

__DEFINE_LIKE_SHARE__