باركولي وصلي iphone 4 وانطبعاتي شخصيه عن الجهاز .. بكل صراحه

[محروم.كوم]

تم بحمده وصول جهاز الايفون 4 يوم امس ..


وهاي بعض انطبعاتي الشحصيه عن الجهاز واتمنى تعم الفائده :


طبعا من مسكه الجهاز حسيت الجهاز خامته قويه وراقيه وممتازه واقوى من خامه 3gs


وللأسف فيرجن الجهاز اهو 4.0.2 يعني ماقدر اسوي جلبريك لحد الان :hummer:


والجهاز كان من دفعات جديده لان مركب عليه الفيرجن الاخيري

وهاي بعض انطبعات الشخصيه عن الجهاز :


- اكثر شي عجبني بالجهاز شاشه : وضوح الشاشه روعه وخيال كأنه ايباد صغير وفرق كبير من ناحيه الوضوح بين الايفون 4 و 3gs


- وضوح الكيمرا ودقه الكيمرا افضل من 3gs بمراحل يعني بتحسون بفرق من ناحيه جوده التصور سواء تصوير فيديو او تصوير ثابت ..



- بخصوص الارسال احيانا الابراج يكون حبه او حبتين او ثلاث بس من يجيلي اتصال او من اتصل الارسال يصير اقوى والصوت واضح بدن اي تقطيع ..


وبخصوص شبكه جهازي اهي : بتلكو من البحرين


تم تجربه من كان الابراج حبه وحده وقمت اتصلت وكان الصوت مايقطع وكان واضح ومن ثم الابراج بالتدريج يصير اقوى بكثير ويصير عدد الحبات كامله ..


هل هالمشكله موجوده عند الكل من مسخدمين الايفون 4 ؟؟ ولا فقط معي ؟؟


ولكن الحمدالله ماواجهت مشاكل في تقطيع الصوت او انقطاع المكالمه .. حتى لو كان الارسال قليل ..


وقارنت ارسال الايفون 4 مع 3gs حسيت مافي فرق كبير يعني فرق بينهم فقط حبه او حبتين واكثر شي متساوين .


- صوت الجهاز واضح ولا عالي ولا ضعيف واكثر نقاوه من 3gs ..


- البطاريه ماحس فيه فرق كبير بينه وبين 3gs يمكن فقط فرق ساعه او ساعه ونص اكثر ..


- سرعه الجهاز مذهله وفرق واضح من ناحيه السرعه بينه وبين 3gs ..


وفي الاخير بقوولكم حكمه :


الحياه بدون الايفون سلطه


يعني الي راح يترك الايفون او يبيع الايفون راح يندم ويضيع لان عشت هالموقف الحزين لفتره طويله


والحمدالله الحين قدرت اشتري iphone 4 وانا مبسوط كثير وجهاز خيالي وروعه

__DEFINE_LIKE_SHARE__