{ لا تحاول تجامل .. ~

[ઇ النورس ઇ]

السلام عليكم ورحمة الله وبركاته

وبعد ..

ربما يرى البعض اني قد بالغت في هذه القصيده ,,

إلا أنه هذا هو أنا ^^ .. هع

أتمنى ان القصيده تنال على اعجابكم

أحيانا المشاعر تجبرني أكتب .. ولا ألقى مفر منها ^ـ^

وبين أيديكم القصيده :

ماني بغير الناس .. أنا كلي ِ عـْـيوب

لا لا تِـشوف انـي .. مميز وكـامل !!

الشـّـين غـطـّــاني ولانيــب مرغوب

مكشوف لو إنــّــك تــِـحاول تـِـجامل

شرواة ْ ليـل ٍ معـتـم ٍ بــعـْـد لغروب

فــي داخلي هـالليل معتـم وشامل

إن كنت تمدَحني تــرا الوضع مقلوب

آنـا حـقـيـقـه ما أعَرْف الـتـعـامـل !!

الشين فينـي شين أوصــاف وقلوب

يعني بلا أوصــاف .. والـْــحس خامل

خل ّ الذي تـبـغـاه فيني علـى صوب

ماني مـِثــِـل ما كنت تبغي وتامل !!

وايد عـَـلــَـي آكـــون غالي ومحبوب

مـن كـثــْـر فرْحي بـاتـغـنـا بالمزامل

لـكن ّ فينـي النقص زايــد ومسكوب

وماضن تتحمل جميع العوامل ,, ؟؟

وشلون يالغالي .. تـباني ويادوب ؟؟

أقدر أجاريك بـْـحيـاة ِ المخامل .. ؟؟

لن ّ المحبه مـثـْـل شمعــه وبتذوب

وماضنـّـتي تبغا حيـاة ِ الأرامل .. ؟!

يا آه في صدري .. أنــا حيل منكوب

في كل ّ يوم يــْـمر تـِـزيد المـحامـل

ياهم انا أرجيك مب ناوي ِ اتــّـوب ؟

عيـّـت مَـعـَـك نفسي بكثر التحامل

يا زين إسمعني ترا الزين مشطوب

مِـنـّـي ولازم ترتـقـي للتكامل .. !!

ماني بــِغير الناس .. انا كلي ِ ذْنوب

والناس أحسن بسّ فرْق التعامل !

وماني من اللي لانْـكشَف غيـّر الثوب

هـذا انـا نـاقص .. ومــانـيـب كـامـل

بقلمي .. النورس .. خالد الشامسي

__DEFINE_LIKE_SHARE__