القيض راح وبردن الليــالــي

[محروم.كوم]

السلام عليكم ورحمة الله وبركاته
إخواني بمناسبة ظهور نجم سهيل وقدوم موسم البراد وموسم الصيد
عسى فال الجميع الشحم
أحببت أن أنقل لكم هذه القصيدة للشاعر/ بدر بن عواد الحويفي الحربي
عسى أن تنال على رضاكم

#poem_4c74792b0a51f td {font-family: arial, helvetica, sans-serif;font-size: large;font-weight: bold;} القيض راح وبردن الليالي والطير عقب القرنسة كمّل الريش

#poem_4c74792b0b0d6 td {font-family: arial, helvetica, sans-serif;font-size: large;font-weight: bold;} والمزن بالمنشأ غدا له ظلالي وتراكمت غر المزون المراهيش وتذكر الصقار وقت مضى لي ايام جالي بالغبية مغابيش يوم الحباري حوزهن بالدحالي ليا فرع النادر طلبهن مخاييش والخرب بادناهن يصير الموالي يوجس براسه للشجاعة نغاميش خرب مغفل ماحسب للتوالي طقيق حنكانه سوات القراقيش وجاه اشقر جوفه من النسر خالي جزام صياده يقض النشانيش له بالطيور البرق فعل ومدالي ضربه عطب ماهو مسوح وتناويش ذاك الزمان اللي به المر حالي يوم الصقارة تنعش القلب وتعيش واليوم لو نقنص جنوب وشمالي صرنا على ما قيل مثل القراريش ما شوف والله للصقارة مجالي نقفي ونقبل يالحميدي على ويش مهما تجاوزنا فياح السهالي غير الدجاجة ما لقينا عراميش ما شوف غير القوبعة والكحالي وزرق الثعال اللي سواة القرافيش عزي لحالك يازميلي وحالي بأرض الرحيل نفتش القشع تفتيش والله يلولا الطير بالقلب غالي إني لاجوز من العنا والمطاريش لاكان حب الطير شارك اعيالي ولو ما تسلى بالولع كيف أبا عيش والله ماني عن غلا الطير سالي لو نعلفه من بارد الخبز والعيش لوكان للخارج نشد الرحالي وندفع على شانه ضريبة وبخشيش __DEFINE_LIKE_SHARE__