جو الثميله

[محروم.كوم]

مـــا بـيــن نـمــلانٍ و جـــو الثمـيـلـة

في رأس عرقٍ مـا حـلا شبـة النـار

مــع صحـبـةٍ هــي للمـراجـل دلـيـلـه

مذكـورةٍ بالخيـر مــا بـيـن الأخـيـار

الله ســقــانـــا بــبــرديـــه هــمــيــلــة

عقب العشاء جتنا بشايـر بالامطـار

والـلـيـل طـولــه و العـطـايـا جـزيـلـة

باللـي تبيـه النفـس لوقـت الأسحـار

بـــرقٍ تـــلالا مـــن مـــزونٍ ثـقـيـلـة

هيض خيالي و أنسكب حبر الأفكار

قـلـبـي تـعـلــق بـالـعـيـون الكـحـيـلـة

خلي على وضح النقاء صاين الدار

الصاحب المجمـول ضافـي الجديلـة

حمـرة خـدود الطعـس للخـل تذكـار

إشتقـت لـه بالحـيـل ودي أجــي لــه

و أقطـع عشانـه كـل كايـد بالأسفـار

بالجيـب فـي اكـس أر مـا بـه مثيلـه

أنــا أشـهـد أنــه بالمـهـمـات جـبــار

كنـه ذهـب مـن بــاع وا عـزتـي لــه

خسـران موتـر مـا يـقـدر بالأسـعـار

عـــز الله أنـــه لـلــدروب الـطـويـلـة

خلا المواتـر مـا تجـي ربـع معشـار

وصلوا على المختار من دون جيله

المصطفى الشافع لنا من لظى النار

__DEFINE_LIKE_SHARE__