من يداوي جرحي اللي مايطيب؟؟ من يرد اللي من ايامي انسرق؟؟

[محروم.كوم]

قلت لك يا قلب لا تآمـن غريـب
ليـش تحرقنـي معـاك وتحتـرق




بهالزمن ينساك حتى أقرب قريب
الوفا فـي هالزمـن حبـر و ورق



أنـا مـو أول ولا آخـر حبـيـب
في النهايـة مـع حبيبـه يفتـرق



من متى صابت معي حتى تخيـب
البخت ويـاي عمـره مـا صـدق



من يداوي جرحي اللي ما يطيـب
من يرد اللي من أيامي انسـرق



البحر عالي وفـي صمتـه رهيـب
وإلا قلبك ما يخـاف مـن الغـرق



الغريب إني و أنا بجنبك غريـب
لـو نحـاول نتفـق مــا نتـفـق



ايه يا قلبي معـه مالـك نصيـب
مـن فراقـه لا تشـب وتحـتـرق



كيف أصير الجرح وأصير الطبيب
لو سكتّ الجـرح فعيونـي نطـق



ما تغيب الشمس لو عنّـي تغيـب
لو أموت الفيـن مـرة وأختنـق

\\ __DEFINE_LIKE_SHARE__