الله لايهينكم اللي عنده خبره الجمس بتفتف وسويت له تصفية مكينه

[محروم.كوم]

اخواني اعضاء منتدى مكشات كل عام وانتم بخير واعانا الله واياكم على الصيام والقيام

عندي جمس 2000 مكينته 1500 مع السواق كان الموتر ما احسن منه فيه تفته بسيطه وغيرت فلتر البنزين بعدها باسبوعين اتصل على السواق قال الموتر ولعت لمبة المكينه حقته ويتفتف ويطفأ اذا فكيت الدعسه جاب الموتر للبيت وديته فحص كمبيوتر قال به 7 خربات بالمكينه البواجي والبخاخات و2 من الكويلات متعطله ومنها قال ضعف في اداء الزيت قال 6 خربات عندي والزيت ما اقدر اسوي فيه شي المهم سوا تصفيه للسياره وصارت تشتغل بس فيها رجه مهيب طبيعيه ومن ضمن اللي سواه غير زيت ونظف المكينه يقول انها طلع منها طين مهب طبيعي وكان فيها مجاري مقفله ولا نظفة زين لازم توديها للمكانيكي المهم خذت الموتر وجبته البيت قلت بشاوركم واللي له الخبره يفيدنا الله لا يهينه


الخلاصه : اللي في السياره الحين صوت طقطقه في المكينه اذا كان الضغط منخفض يعني عند تقويم السياره وضعف في العزم لين يتعدى الضغط 3 وبعدين تقل الموتر مابه شي وبعض الاحيان تتأخر السياره ماتستجيب للدعسه والرجه علماً ان السياره معاد تطفى واليوم مشيت عليها الى 165 كان معشق بالرابع ويوم عشق الخامس بدا بنزل الانبير لين وصل 120 دعست بنزين رد نمره ورحعت تتسارع من جديد

اسف على الاطاله بس حبيت ان اضع شرح مفصل لكي تتضح المشكله واتمنى من اهل الخبره الحل واذا فيه ورش ينصخون فيها

ولكم مني جزيل الشكر مقدماَ __DEFINE_LIKE_SHARE__