الحـاجه أم الأخـتـراع...ترهيم ثـلاجه لأصحاب الفورتشنر 2008 فمادون ..صــور..

[محروم.كوم]

بسم الله الرحمن الرحيم

حي الله الغالين

بحمد الله تم تركيب ثلاجه للفورتشنر 2008 (ترهيم المكيف الخلفي )

بعد فك المراتب الخلفيه وتركيب الشنطه الخلفيه من عند السنيدي صار المكيف الخلفي مثل عدمه يعني ماله اي فايده تذكر (اصلا موقعه غلط في غلط ما ادي كيف جت الفكره الجهنميه يوم يحطونه هنا )

المهم جت الفكره بعد مشاورات مع رفيق الدرب أبوصالح (لبى قلبه)جتنا فكره ترهيمه الى (ثلاجه) خصوصا أنه يأتي له ثلاجه خاصه منفصله عنه الثلاجه الاماميه ...

وبعد تفكير دام يوم واحد جت الطريقه الي بالموضوع وعلى بركه الله نبدأ:

الأدوات المطلوبه : حافظه ثلج ,لستك 15 , صمغ مسدس .فقط

هذي الثلاجه

وهذا اللستك 15

وبسم الله نحمي السكين على الدافور لنبدأ القص حسب مقاس اللستك(يمكن القص بأي طريقه)

طبعا هذا صمغ المسدس اخترناه عشان مايأثر في الديكور وأداءه كان ممتاز جدا

وهنا بعد تركيب اللستك في حافظه الثلج

وهذا المكيف المراد (أمحق مكان ) المهم اني استفدت منه :good2:

وهنا تركيبه في المكيف وهذي يد ابوصالح الله يخليه لوالديه وذريته (من يد ما نعدمها )

وهذي الثلاجه بعد التركيب

والنتيجه مثل ماكانت متوقعه تبريد ممتاز جدا مع القدره بالتحكم بالتبريد عن طريق المكيف ..
وايظا تحفظ البروده لمده معقوله جدا اذا كانت السياره طافيه .
والان الثلاجه مثبته مؤقتا الى ان يتم تفصيل طبق خلفي حسب المقاس قريبا ان شاء الله تعالى
التكلفه الاجماليه:
حافظه الثلج بـ 80 ريال
ولستك بـ 30
وصمغ مسدس من البيت

وسلامتكم

واشكر رفيق الدرب ابوصالح على مابذله وجزاه الله خير.

والسلام عليكم ورحمه الله وبركاته ..

__DEFINE_LIKE_SHARE__