يالمعتزل كنك على الوسم ضامي....(صور اندر شيهانه طرحناها العام الماضي),,,,,,ذراع الذيب

[محروم.كوم]

السلام عليكم ورحمة الله وبركاته,,

مساكم\وصبحكم الله بالخير يالاجواد مشرفين واعضاء وزوار منتديات مكشات,,

كيف حالكم عساكم طيبين ان شالله كلن بأسمه من الصغير للكبير ,,

وينكم ياعشاق الشواهين وينكم يالطواريح وينكم يالصقاقير اليوم جايب لكم صور اندر,,

مثلوثه انطرحت عندنا الموسم الماضي عزالله انها اندر واغرب مثلوثه مرت علي ماتقول,,

الاحر ماطرح مثلها في الوجود واللي عنده شيهانه مثلها لايبخل علينا يورينا صورها,,

حليلاه لو انها تامه كان تستاهل من المية وفوق واهديكم مع الموضوع قصيده جديده للشاعر,,

ابوعون والشاعر المعتزل عن المقناص وطرح الطيور وكانت الشيهانه من نصيب الطاروح,,

بركي الجدعاني الحربي ,,

كان هاليوم من احد ايام اكتوبر العام الماضي بالساحل الغربي

بشمال الشعيبه المنطقه التي تشهد,,

سنويا بعبورها الطيب للشواهين قطعت هالشيهانه على الطاروح ابوهاشم ولقطت الارض وهو يطردها,,

والطير لالقط الارض احتمال كبير انه يضيع من شوف العيون

ولاكنها توجهت شرق طالبه هدد,,

يم بير مدثر وخوينا كان وقتها في ذيك المنطقه يهد في طيوره وكانت الحزه عصر واثرى الشيهانه,,

شافت الهدد دقايق ولاخوينا يصيح بالجهاز يطلب الفزعه

من الرياجيل الشيهانه حولت عليه,,

وراوغت طيره في مطراد حمامه هادها بركي ويعزل الوحش وعطاها سمانه طلق اعطاهياه,,

ملط بدون شبكه وتجمعت المواتر وكانو خيرة الطاوريح

في المحاول متواجدين وقتها ابوراكان,,

السفري وابوهاشم والمعتزل وظهر على الجهاز بركي وقال مايتقدم للشيهانه ويحاولها,,

الاهالثلاثه بدون قصور بالطاوريح وهالحين الشيهانه

معها سمانه بدون شبكه (ملط) لابد,,

ياخذونها منها قبل لاتعلفها وتقدم المعتزل وهد طراده وكري وتصك الشيهانه جناح على جناح,,

ويصمل عليها الوكري ويطردها في مطراد طيب لكن الشيهانه مافيه اسبق منها ,,

ويلحق المعتزل طراده بالموتر وهو يطرد ويحوله طراده مابه قصور طرد زين وصامل ,,

لاكن الشيهانه سبوووووق بالحيل ماتقدم المعتزل

وحول طراده بجذبه بالزريق,,

ولاابوهاشم مسانده ويكمل مطراده وراح مع الشيهانه ويهد طراده وهو مسرع بالموتر,,

طراده قرناسه شياهين وتصك جناح على جناح يازين مطراد الشياهين يطرب طرب,,

وتاخذ العلفه منها وهو مع مطراده يعطي الطير الوحش قمريه طلق بشبكه وتهد عليها,,

ماشالله تبارك الله وتاخذ مسافه وتركد المواتر من المطراد ويسوقون عليها نقزوها,,

تنقيز كم مره ماخلو الشيهانه تستمتع بالعلفه

ولايهنا لها بال لااله الاالله على ذيك,,

الشيهانه لاشفتها من بعيد تقول حر من راسها الكاشف دقايق ولالسع النايلون,,

بانت مواريه ياراعي الطراد الطيب قرب ويقرب راعي الشيهانه السوريه,,

محيسن السفري ويهدها وتكبس الشيهانه وتعلقها ماشالله تبارك الله وتنطرح,,

مبروك الف مبروك يابركي عقبال الفرخ التام الموسم الجاي

ويشوف المعتزل الشيهانه,,

ويشوف زينها اللي مافيه مثله ويخبر ان ابوصقر موصيه على مثلوثه طيبه,,

يبيها لخويه من الامارات ويتصل على ابوصقر لكن

ماعنده ارسال ويتصل على خويه,,

بمنطقة الشرقيه الرجال الي بالشرقيه يعرف الرجال اللي بالامارات وقاله المعتزل,,

لاشفت هالشيهانه تبي تشريها والمعتزل

صامل عليها يبيها للرجال من زينها,,

وشافها الرجال قال اشري ولاتشاور وشراها المعتزل ورسلها للشرقيه ووصلت,,

لللأمارات وفعلت فعل طيب ويلحقبها على الحمام ,,

,

,

,

هذي صورتها بالمهاد واعذرونا على رداءة الصوره
,
,
,

سبحان شوفو لون ظهرها الغريب تقول ظهر حر,,
وتقول ظهر قميريه ماشالله تبارك الله,,
,
,
,
,


مع صقر جهينه ماشالله تبارك الله عليها شوف كيف راسها,,
كاشف ياليتها تامه كان تجي علوم بين الشريطيه,,
,
,
,

نحرها مثل الغمام الله يبارك لراعيها,,
وماتخلا مواضيعنا من قصايد المقناص وخصوصا عن شبك الطيور,,
واتركم مع هالقصايد الجزله والجديده من شاعرنا ابوعون والمعتزل,,

قصيدة لشاعر الشريف أبو عون العبدلي

يالله يا جالي غبار العسامي

................................................تجعل لنا يا فارج الهم تمكين

يالمعتزل كنك على الوسم ضامي

..................................................الله يعلم كم ظمايا و مشفين

الشوق خلانا جلود و عضامي

......................................نصبر على المخراج صبر المساجين

تسعه شهور نعدها بالتمامي

............................................لأصحابنا و لديرة الصيد ظامين

و مبطين عن هد الطيور الصرامي

........................................و مبطين عن ذبح القطا والكراوين

ومبطين عن سِيف الجنوب التهامي

......................................ومبطين عن ذيك الرجم والظلاعين

ومبطين والله عن حراوي القطامي

...............................................اللي كملنا له فعام الثلاثين

والضلع أبو قيزان وأم الردامي

............................................اللي لها في داخل القلب تنوين

ياكم بها من طير أمسى وحامي

..........................................وياكم مهدنا حولها من شياهين

ويا كم بها نطري السنيين القدامى

.............................................وناس فقدناهم علينا عزيزين

وخلاف ذا ياراكب فوق شامي

........................................نسل الركاب اللي تقول أم ضلعين

اللي تشوقك في نهار الزحامي

............................................يوم من إخطاره تفر الشياطين

تنصى بني عمي الفلاح الحشامي

..........................................اللي لنا في طيلت الوقت موفين

نحبهم في الله حباً جمامي

..........................................ناس على ما يرضي الله ماشين

لاستوجب الميقاف جوني قوامي

......................................ويوم اطلب الفزعة لفوني مغيرين

ويحاولون الطير عرف ونظامي

................................في مسايسات الوحش ماهم غشيمين

عز الله إني متخذهم وسامي

...............................................والله يعلم كم بهم مستعزين

لا جيتهم بالله بلغ سلامي

.............................................وقلهم في شوفهم مستفيقين

وإذا انقضى بالخير شهر الصيامي

........................................العيد بإذن الله في ذيك الميادين

مواقعِ نفرح بها كل عامي

......................................نلقى بها اللي داخل القلب غالين

يازينها لا ربعت بالثمامي

.......................................والسرح ظله واحة المستظلين

يازينها والله فِطرد الحمامي

.....................................وياكم بها نجلب فروخ الشياهين

وفتل العيون اللي عليها الكلامي

.......................................لا شكها الصياد صرنا حظيظين

والجيب مملي بالدراهم تمامي

....................................وإذا انتصف مقناصنا مستريحين

وعلى الله الرزاق شد الحزامي

.........................................إذا بقى عمراً مع ناس حيين

وختامها اتبع صلاتي سلامي

..................................على الحبيب إعداد صلوا المصلين

رد الشاعر الشريف أبو ماجد الحرازي

يا مرحبا ياربعنا يالكرامي

.............................................إعداد ما صلو ولبو ملبين

مقداركم والله رفيع المقامي

...........................................والله يشهد كم لكم مستحبين

وميقافنا واجب علينا لزامي

.......................................لاصحابنا ويا كيف للي قريبين

ولامن سمعنا من يلج الزهامي

.............................................بطيورنا وشباكنا مستعدين

حتى المواتر لو تروح حطامي

...................................لجل الخوي والله يابو عون وافين

وطرادنا طرده عليه الكلامي

................................جاهز وصامل بس وين الوحش وين

ويارب وفقنا فطرح التوامي

........................................اللي لها حكام وشيوخ شارين

ناسٍ تقدرِّ حقّها با التمامي

...................................ماهم من اللي يخسرون الموازين

ولاهم من اللي يقربون الحرامي

...............................ولا هم ضُعوفً والنجش فيه ما شين

ويالله يا محيي رميم العظامي

...........................................ياواحد لك المخاليق داعين

تغفر خطايانا نهار القيامي

...................................يومياً من أهواله يشيب الرضيعين

وصلاة ربي هي آخر كلامي

...........................................على رسول الله ختم النبيين

وسلامتكم ولاتنسونا من دعاوتكم الصادقه
طاروح من الساحل الغربي

__DEFINE_LIKE_SHARE__