(الــمــلـــتـــــاع)

[قـلب دبـي]

ألم .. و نوح .. و جـروحٍ غزيـره
_____________ آه من ظلم الوقت و بحور الضيـاع

و سراب .. و عيون الحروف ضريره
_____________ تغوص في دفتـر الأحـزان بالتيـاع

ذكرى الأيام تعذبني .. حالتي خطيره
_____________ و مركب الوفا نزل من فوقه الشراع


مريره رحلتي .. حيل يا ناس مريره
_____________ رحلة لقا .. آخرهـا همـوم و وداع

ما سمعت عن عاشق متهني بسريره
_____________ و لا ريت مغرم مـا فيـه الاندفـاع

هذا هو الملتاع تعال قـرر مصيـره
_____________ هذا هو العاشق لي عـاش بخـداع

بايـتٍ عيونـه نايحـه .. سهيـره
_____________ يبكي دمعٍ مـا بـه أبـد اصطنـاع

رحلة العمـر توقفـت فـي جزيـره
_____________ مالي نصيب في الحب .. مالي أطماع

تذكرت أيامي و ساعاتـي الخطيـره
_____________ و صرخة شقا عمري ما لها استماع

كل طيرٍ ساهـرٍ ليلـه مـع طيـره
_____________ و أنا طيري يا خسارة للوفـا بـاع __DEFINE_LIKE_SHARE__