يلقاني الصاحب اليا مني امسيت 0000000 باول نفود السر والا الثويرات

[محروم.كوم]

#poem_4c2cb191c161f td {font-family: Simplified Arabic;font-size: large;font-weight: bold;} يلقاني الصاحب اليا مني امسيت باول نفود السر والا الثويرات نسمر براس الطعس في رمله نبيت والا انتلاقا في جنوب الخفيسات بغيت اروح بنجعتن خارج البيت وادور باطلال النجود البعيدات يا زين قفرا في سهلها تعشيت مع راخي البلعه حسين العلاقات النار توضي بالاناره عن الليت وقودها عود الغضا بابسن مات ما همنا بالقيظ لوم الشماميت بيني وبينه دلتينن ومركاة ان قال انا جيتك فانا اقول ياليت وان قال تلفي ما تعوق المسافات ترا ان جزمنا جيت له ما توانيت لشوفة الطيب تهون البعيدات ان رحت للخالي تراني تهنيت وارويت عودن مبرضن في ثرا الذات انا ان لقيت الكيف وذرب ارجهنيت ودليت اطورق من هوا بالي ابيات سجيت مع فكري مداهيل واقصيت خرفت من بعض الاصاحيب لذات شوري على اللي ما وطا هيت وحليت ولا سرا من شرق لينه لحسلات انه يجرب كايفات المكاشيت من شان يهني خاطره بالوسيعات لا تحقر السجات لو هي حتاويت تريح بالك ساعتن بالنفاهات مديت سبتي للشعيب وتقهويت في سجتن بين الجراهيد نوهات قمت اتفكر بالهضاب وتمشيت سبحان خالقها وسبع السماوات لين ابتدا وقت الصلاة وتوضيت ودعيت ربي من عطاياه خيرات

يوسف الخليفة ( أبو عبد الله )

__DEFINE_LIKE_SHARE__